Ann Ayiti, kesyon ap poze pou mande kilès ki pral ranplase Premye Minis Jacques Edouard Alexis Sena a te revoke ansanm ak tout manm kabinè ministeryèl la samdi pase a (12 avril 2008 la). Sena a lanse apèl bay Prezidan René Préval pou l chwazi yon kandida san pèdi tan. Jiska yè lendi 14 avril la, nouvèl yo fè konnen Misye Préval potko pran kontak ak prezidan 2 chanm yo sou chwa sa a, jan konstitisyon ayisyèn nan mande l la. Ann atandan, lavi a kòmanse repran kous nòmal li nan Pòtoprens aprè manifestasyon semèn pase yo --manifestasyon ki te fè 6 mò ak anpil blese nan kapital la e nan vil Okay.
Yon lòt kote, kominote kretyen yo nan Washington DC ap tann vizit Pap Benwa XVI ki pral rive nan kapital Lèzetazini an nan aprè-midi madi 15 avril la. Nou kontinye ti koze nou ak Reveran Pè Arsène Jasmin sou enpòtans vizit sa a pou mond kretyen an an jeneral e pou katolik yo sou kontinan ameriken an tou espesyalman.
Klike sou lyen anlè a pou w koute detay nouvèl sa yo.