Accessibility links

Breaking News

Pati Zanu-PF Prezidan Robert Mugabe a Pèdi Majorite Li te Genyen nan Palman an


Prezidan zimbabweyen an, Robert Mugabe, pèdi kontwòl palman an apre defèt pati li a subi nan eleksyon palmantè yo. Rezilta ofisyèl yo pibliye mèkredi 2 avril la montre Mouvman Chanjman Demokratik la (MDC) ranmase 105 syèj sou 210 ki nan palman an, e geyen yon kandida edepandan ki ranpòte yon syèj. Rezulta sa a vle di Pati opouvwa a (ZANU-PF) pap kapab rekòlte 106 syèj li bezwen pou’l konsève majorite a. Jusk’avan publikasyon rezilta yo, pati Mugabe a te ranmase yon ti kras plis ke 90 syèj. Nan yon konferans li bay nan jounen 2 avril la nan vil Harare, lidè opozisyon MDC a, Morgan Tsvangirai, te kriye viktwa nan eleksyon prezidansyèl ak eleksyon palmantè a. Sekretè jeneral Mouvman Pou Chanjman Demokratik la, Tendai Biti, di "sou baz rezilta ki afiche devan buwo vòt yo, msye Tsvangirai rekòlte 50,3 pou san vòt yo--sa ki fè li pa nesesè pou yo òganize yon dezyèm tou. Men li ajoute msye Tsvangirai pre pou’l ale nan yon dezyèm tou si Komisyon Elektoral la estime sa nesesè. Minis enfòmasyon adjwen Bright Matonga--yon manm Pati opouvwa--di chèn britanik BBC deklarasyon viktwa opozisyon an se sèlman sa “MDC ta swete k' fèt. Komisyon Elektoral la poko pibliye rezilta eleksyon prezidansyèl la.

Antretan Nan Grande Bretay, Sekretè Foreign Office (ministè afè etranjè britanik la) deklare reta responsab yo pran pou anonse rezilta eleksyon prezidansyèl Zimbabwe a lesè kwè otorite yo renka “pou yo aksepte volonte populasyon an”. David Miliband di palmantè britanik yo li ka entèprete reta sa a sèlman kòm yon “taktik byen kalkile e prepare davans”. Miliband ajoute si Zimbabwe retounen sou chimen demokrasi ak bon gouvènans, Grande Bretay pral ogmante kore efò nasyon sa a ap deplwaye pou’l sòti nan mizè li plonje a. Pòtpawòl Depatman D’Eta ameriken, Sean McCormack, deklare mèkredi Zimbabwe ta dwe pibliye rezilta vòt la san pèdi tan pou zimbabweyen yo ak Kominote Entènasyonal la deside sou pwochen etap la.

XS
SM
MD
LG