Accessibility links

Breaking News

Ayiti: Premye Minis Jacques E. Alexis Repete Li Pare pou l Konparèt Devan Chanm Depite a


Premye Minis ayisyen an, Jacques Edouard Alexis, repete li dispoze konparèt devan Chanm Depite a pou l reponn kesyon sou lavi chè a, antwòt. Sou menm dosye a, Prezidan Sena a, Kelly Bastien, lanse apèl bay manm kabinè ministeryèl la pou yo chak chache yon antant ak pati li reprezante a sou kesyon entèpelasyon chèf gouvènman an, anvan Misye Alexis reponn konvokasyon Lachanm nan.

Yon lòt kote, Kanada anonse l ap ofri Ayiti yon prè global k ap monte rive 555 milyon dola. Yon gwo pati nan kòb sa a pral sèvi pou konstri biwo pou Lapolis, Sèvis Ladwann, ak Imigrasyon sou fwontyè Ayiti ak Repiblik Dominikèn nan. Toujou sou plan kowoperasyon an, anbasadè brezilyen ann Ayiti, Andrade Pinto, inogire nan Pòtoprens, lendi 25 fevriye a, yon sant kiltirèl kote Ayisyen kapab aprann plis sou sivilizasyon, istwa ak kilti peyi Brezil, epi jèn yo ap kapab resevwa preparasyon pou yo ale etidye nan peyi sid-ameriken an.

Klike sou lyen anlè a pou w tande devlopman nouvèl sa yo ak jounalis/korespondan Lavwadlamerik yo.

XS
SM
MD
LG