Accessibility links

Breaking News

Seleksyon Nijerya a ap Chache Yon Nouvo Antrenè


Football

Alman Berti Vogts abandone pòs antrenè seleksyon Nijerya a apre yon movèz pèfòmans seleksyon an renmèt nan koup dAfrik dè Nasyon an. Nouvèl yo pa di si Vogts demisyone ou si federasyon an revoke l apre yon ane nan tèt seleksyon an. Vogts te siyen yon kontra ak federasyon an ki tap kenbe nan tèt seleksyon an juskapre koup du mond 2010 la.

Nan chanpyona Azi du Sudès la jodi a Japon ranpòte yon viktwa tou mens 1 a 0 devan la Chin. Kore du Sud gen pou rankontre Kore du Nò jodi a.

Doktè yo nan vil Pari fè konnen footballè brezilyen Ronaldo ap retabli nòmalman apre operasyon li te fè sa gen yon semen. Doktè yo di yo pa remake oken enflamasyon nan pye goch brezilyen an. Doktè yo di msye ap rete an deyò teren an ant 8 a 9 mwa.

Jodi a nan Honolulu tounwa Pan Pasifik la ap demare ak patisipasyon 2 klub ameriken Los Anjeles Galaksi ak Houston Dinamo epi klub Ostralyen Sidne FC ak klub Japonè Gamba Osaka.

Klub angle Liverpool suprann Inter de Milan ak yon viktwa 2 a 0 nan 2 zièm tou match Lig dè chanpyon Eropeyen an. AS Wòm remonte yon defisi pou l kale Real Madrid 2 a 1. Chelsea fè match nul 0 a 0 ak Olympyakos. FC Porto tonbe devan Shalke 04 1 a 0. Jodi a Milan AC pral lakay Arsenal. FC Barselòn pral jwe lakay Celtic Glasgows. Lyon ap akeyi Manchester United epi Fenerbahce kont FC Seville.

Chine/ Olympic

Medya chinwa yo lanse yon seri de kritik kont sineyat ameriken Steven Spielberg akoz li demisyone kòm konseye atistik seremoni douvètu Je Zolenpik yo an siy de pwotestasyon sou kriz nan rejyon Dafour la. Komite òganizatè a bay asurans antrepriz kap patwone konpetisyon an toujou kenbe angajman yo.

Basketball

Basketè ameriken Shaquille O’Neal ap jwe premye rankont li aswè a pou Phoenix Suns fas a Los Anjeles Lakers. Responsab Phoenix Suns gen dout ke O’Neal kapab adapte l ak rapidite ekip la gras ak prezans Kanadyen Steve Nash ak Amar Stoudemire. Men O’Neal fè konnen li pral jwe yon wòl soutyen pou 2 mesye yo ak espwa yo kapab ede Phoenix ranpòte tit chanpyon nasyonal la.

2 zièm mwatye sezon an mal kòmanse pou Washington Wizards ki tonbe devan New York Knicks 113 a 100. Cleveland Cavaliers fè bèk atè devan Houston 93 a 85.Denver Nuggets te fè anpil efò avan li kale Boston Celtics 124 a 118. Minessota danse sou Philadelphia 76ers 104 a 88.

Phoenix Suns ak Denver Nuggets pral premye rankont basketball an plen èr le 11 Oktòb nan Sant Tenis Indian Wells la an Kalifòni.

New Jersey Nets boukante Jason Kidd plis 2 lòt jwè ak Dallas Marvericks an retou yo resevwa Devin Harris ak 2 lòt jwè. An plis de boukantaj la New Jersey Nets ap resevwa 2 premye jwè tiraj osò Dallas ta pral fè plis 3 milyon dola.

Cyclisme

Unyon Siklis Entènasyonal la anonse li pral pran tout mezu nesesè pou asure l chanpyon Tour de Frans la espayòl Alberto Contador defann tit li te ranpòte ane sa a. Komite òganizatè Tour de Frans la ekip Astana ap eksklu nan edisyon 2008 la apre eskandal dopaj ekip Astana a te enplike an 2007. Contador te rejwen fòmasyon ekip Astana a an Oktòb 2007. Unyon Siklis entènasyonal, ki konsidere desizyon an kòm arbitrè ak absud, pwomèt pou l tren-nen komite òganizatè a devan tribunal.

XS
SM
MD
LG