Accessibility links

Prezidan Bush Swete Demokrasi Pral Pran Pye Nan Kiba Apre Castro


Prezidan Bush deklare desizyon Fidel Castro pran pou li bay demisyon n kòm Prezidan peyi Kiba ta dwe reprezante kòmansman yon tranzisyon demokratik sou zile karayibeyen an. Li fè kòmantè sa a apre jounal pati kominis Kiba a te pibliye yon deklarasyon Lider Maximo a jodi-a kote Fidel di li pap aksepte yon lòt manda nan prezidans la.

Prezidan Bush di Etazini pral ede pèp kiben an jwenn benediksyon libète bay. Dapre lidè ameriken an, premye etap la se libere sila yo ki nan prizon sou zile a. Li ajoute ke bout pou bout tranzisyon sa a dwe debouche sou eleksyon lib e onèt. Pa jan de eleksyon ke 2 frè Castro yo manniganse pou fè moun kwè se demokrasi toutbon.

Apre prèske yon demi-syèk sou pouvwa a nan La Avàn, demisyon Fidel Castro a sanble pare teren-an pou ti-frè li Raul, ki te nan yon wòl pwovizwa depi operasyon Fidel la, sa gen prèske 2 zan, monte ofisyèlman kòm nouvo Prezidan nan sèl nasyon kominis nan Amerik yo.

Fè klik sou ralonj ki anlè foto Fidel Castro a pou w ka tande plis detay, avèk Lyonel Desmarattes e Marie-Luce Pierre.

XS
SM
MD
LG