Accessibility links

Breaking News

Senatè Demokrat Barak Obama Ranpòte Eleksyon Primè Georgie a


Chèn televizyon yo Ozetazuni anonse senatè Barak Obama genyen eleksyon primè a nan Eta Georgie tandiske ansyen gouvènè eta Arkansas Mike Huckabee ranpòte Caucus repibliken an nan eta Virjini oksidantal; se premye viktwa nan eleksyon primè Super Tuesday a, eleksyon kap fèt nan 24 eta ameriken. Msye Huckabee -- ki ranpòte 18 delegue -- kale rival li John McCain --senatè eta Arizona. Li kale tou Mitt Romney, ansyen gouvènè eta Massachusetts.

Elektè ap vote nan plizyè eta pou chwazi kandida ki pral reprezante pati demokrat la ou pati repibliken an nan eleksyon prezidansyèl mwad novanm 2008 yo. Repibliken yo ap fè eleksyon primè nan 21 eta e demokrat yo ap fè kalte eleksyon sa yo nan 22 eta ameriken. Nan primè demokrat yo, sondaj dopinyon yo montre senatè Hillary Clinton ak senatè Barack Obama pye-pou-pye nan kous pou nominasyon pati demokrat la. Pami eta kote eleksyon primè dewoule madi 5 fevriye a Ozetazini, genyen Californie ak New York, 2 eta ki chaje abitan. Popilasyon yon eta detèmine kantite delegue eta a genyen pou garanti nominasyon kandida yo nan kad eleksyon fen ane a.

XS
SM
MD
LG