Accessibility links

Barbad Louvri Yon Kanpay Rekrutman Footballè


Footballl

Federasyon football Barbad la ki ta renmen kalifye pou faz final koup du mond Afrik du Sud 2010 la kòmanse yon kanpay publisite an Eròp ak Amerik du Nò pou rekrute footbalè ke paran se barbadyen. Objektif responsab yo se rekrute 13 jwè sou yon total 25 jwè. Yon tantativ konsa te ede peyi a kalifye pou semi final eliminatwa koup du mond pou zòn KONKAKAF la an 2002. Barbad ap rankontre la Dominik 6 Fevriye nan yon seri match ale/retou. Venkè seri a ap rankontre Etazuni.

Ayiti ap chache yon nouvo antrenè apre demison brid soukou antrenè seleksyon nasyonal la kuben Luis Emilio Garcia. Desizyon sa a pran nan moman Ayiti ap pare pou jwe 2 rankont amikal nan fen mwa a kont Salvador.

Federasyon Football Iranyen an ofri ansyen antrenè espayòl, Javier Clemente, djòb pou l antrene seleksyon nasyonal la. Msye Clemente di desizyon pou l pran tèt seleksyon an pral depann de rankont lap gen ak dirijan yo semen pwochè nan.

Federasyon football Ekosè a non-men George Burley kòm nouvo antrenè seleksyon an ki te elimine nan koup dEròp dè nasyon an. Msye Burley di premye objektif li se ede Ekosè kalifye pou faz final koup du mond football FIFA/Afrik du Sud la.

Nan koup dAfrik dè Nasyon an kap dewoule nan Gana jodi a Kot Divwar ap rankontre Benin epi Nijerya kont Mali Anyen poko jwe nan group D a koup dAfrik dè Nasyon an apre Tunizi fè match nul 2 a 2 ak Senegal pandan ke Afrik du Sud rache yon nul 1 a 1 fas a Angola.

Atletisme

Prezidan Komite Olenpik Entènasyonal la Jacques Rogge kore totalman Ajans Anti Dopaj Mondyal la apre li finn rankontre nouvo prezidan òganizason an John Fahey. Msye Rogge di msye Fahey mèt konte sou òganizasyon spòtif entènasyonal nan lut kap men-nen kont atlèt kap konsome dròg pou bay bon randman nan disiplin yo reprezante a. Gouvènman mondyal yo ak komite Olenpik la finanse fonksyonman ajans anti dopaj la.

Maratonyen Kenyan Robert Kipkoech ak Rus Lidiya Grigoryeva, ki te ranpòte maraton boston an ane pase, kofime patisipasyon yo nan 112 zièm edisyon konpetisyon an.

Basketball

San Antonio Spurs ap fè yon lon deplasman pou l al lakay Miami Heat. Milwaukee Bucks ap akeyi Indiana Pacers pandan ke New Jersey Nets ap fè yon travèse pou l al lakay Golden State Warriors.

Yè swa Toronto Raptors suprann Boston Celtics ap yon viktwa de justès 114 a 112 gras ak 24 pwen Jose Calderon make. Yon lòt supriz se viktwa Minnesota Timberwolves ranpòte devan Phoenix Suns 117 a 107. Pat gen supriz apre Cleveland Cavaliers pilon-nen Washington Wizards 121 a 85.

Tennis

Franse Joe-Wilfried Tsonga ki pa tèt de seri nan tounwa tenis Open Ostali a suprann espayòl Rafael Nadal ak yon viktwa 6-2, 6-3, 6-2 pou l kalifye nan final tounwa a. Tsonga, ki pa gen anyen pou pèdu nan tounwa a, ap rankontre venkè lòt semi final la kap dewoule ant swis Roger Federer ak Sèb Novak Djokovic.

Bò kote meda m yo Sèb Ana Ivanovic remonte yon defisi pou l kale Slovak Daniela Hantuchova 0-6, 6-3, 6-4. Ivanovic pral rankontre nan final la demen Samdi a ak Rus Maria Sharapova ki elimine sèb Jelena Jankovic--nan yon final klasik.

XS
SM
MD
LG