Accessibility links

Breaking News

KONKAKAF Publiye Rankont Faz Final Olympik la


Football

Seleksyon Olenpik ayisyen ( nou vle di U-23) an figure nan menm group ak Kanada, Gwatemala ak Meksik nan kad faz final eliminatwa je zolenpik yo kap dewoule nan Karson an Kalifòni kote group B a ap jwe. Nan group A a nou jwen Etazuni, Panama, Honduras ak Kuba. 2 Premye nan chak group yo ap kalifye pou je zolenpik Peken yo an 2008.

Seleksyon Olenpik ayisyen sot pèdu 2 a 0 devan Gwatemala nan kad preparatif 2 seleksyon yo ap fè pou faz final la. Rankont la te jwe nan Fort Lauderdale an Florid.

Responsab yo publiye lis match kar de final KONKAKAF dè klub chanpyon ak vis chanpyon. Match ale yo ap jwe ant 11 ak 13 Mars epi match retou yo fiksen 18 e 20 Mas. DC United ap rankontre klub Jamayiken Harbour View epi Houston Dinamo ap rankontre CSD Municipal de Gwatemala. CONCACAF-la fè konnen lap gen pou-l anonse trè byento dat egza match-yo.

Footbalè Brezilyen Romario resevwa yon suspansyon 4 mwa akoz li ta sèvi ak dròg Finasteride nan okazyon yon rankont football ant Vasco de Gama ak Palmeiras 28 Oktòb pase.

Federasyon football Venezuela a non-men Cesar Farias kòm nouvo antrenè seleksyon jusk nan fen kanpay koup du mond la an Oktòb 2009. Nouvèl yo pa di konbyen lajan nouvo antrenè a ap touche.

Cyclisme/ Dopaj

Ajans fransè anti-dopaj-la fè konnen siklis ameriken Floyd Landis pap kapab patisipe nan yon konpetisyon an Frans jiskan 2009 kèlke swa rezulta rekèt li fè annapèl devan Tribunal Arbitaj nan spò-a. Landis te pèdu tit chanpyon Tour de Frans 2006-la apre li te teste pozitif pou TES-TOS-TERONE. Ajans anti-dopaj ameriken-an te suspann Landis pou jiskan janvye 2009. CN-31 NBA Los Anjeles Lakers van-nen Chikago Bulls 103 a 91. Sakramento Kings te redi avan li kale New Jersey Nets 106 a 101. Toronto Raptors ranpòte yon viktwa tou mens devan Los Anjeles Clippers 80 a 77.

Tennis

Ameriken Lindsay Davenport dakò pou jwe nan ekip koup Konfederasyon Ameriken an kap rankontre Almay nan kar de final la nan Kalifòni ant 2 a 3 Fevriye.

Zenglendo antre nan rezidans vedèt tenis Rus Anna Chakvetadze an deyò vil Moskou yè maten kote yo mete anba kòd sèvant la ki renmét kle a. Atoufè antre an dedan rezidans la kote yo mare vedèt la epi ale ak bijou ak lajan likid ki vo plis pase 200 mil dola.

XS
SM
MD
LG