Accessibility links

Breaking News

Milan AC kont Boca Junior Weekend sa a Nan Koup du Mond la


Football

Milan AC kalifye pou final koup du mond klub yo kap dewoule o Japon apre li kale klub Japonè Urawa Red 1 a 0 gras ak yon gòl Clarence Seedorf make nan 68 tièm minit rankont la. 67 mil fanatik te fè deplasman pou asiste viktwa Milanè yo kap rankontre an final Boca Junior Dimanch.

Klub football franse Lyon ak klub Turk Fenerbahce jwen 2 dèmnye plas pou 8 tièm de final Lig dè chanpyon Eropeyen an. Glasgow Rangers ki te bezwen yon nul tonbe devan Lyon 3 a 0 nan group E a. Fenerbahce remonte yon defisi pou l kale CSKA 3 a 1.

16 kalifye yo 3 klub Italyen Milan AC, AS Wòm ak Inter de Milan. 4 klub Angle( Arsenal, Chelsea, Liverpool epi Manchester United.) 3 klub espayòl ( Barselòn, Real Madrid ak Seville) epi lòt yo Fenerbahce, Shalke 04, Celtic Glasgow, Olympyakos Pireus, Olympic de Lyon ak Porto. Tiraj osò a fikse pou 21 Desanm.

8 klub ki fini 3 zièm yo kalifye pou koup UEFA a. Ostrali ap louvri kanpay koup du mond 2010 la fas ak Katar le 6 Fevriye 2008 sanble sa patisipasyon meyè jwè li genyen kap evolye an Eròp. Federasyon Football Olandè a anonse 5 match preparatif avan dewoulman Koup dEròp dè Nasyon an. Olandè yo ap rankontre Kwasi ak Otrich le 6 Fevriye ak e 26 Mas answit Ukrèn 24 Me, Danmak 29 Me epi peyi dè Gal 1 Jwen.

Atletisme: Dopaj

Yon chita pale dewoule yè Mèkredi a ant prezidan Ajans Anti Dopaj Mondyal ak direktè Laboratwa Balco Victor Conte ki te nan sant eskandal steroyid. 2 msye yo te fè chita pale nan New York men nouvèl yo pa rapòte pwen ki diskute pandan rankont la. Viktor Conte te plede koupab kòm magouyè ki vann atlèt steroyid pou yo kapab bay bon randman sou teren an.

Laborawa a te fè fabrike yon seri de pwodui steroyid sofistike ke tès nòmal pat kapab detekte. Sa pa gen lontan yon juri te akuze ofisyèlman Barry Bonds kòm atlèt ki ta konsome steroyid.

Kourè ameriken Marion Jones, ki te ranpòte 5 meday pandan je zolenpik Sidne 2000 yo, te plede koupab devan yon tribunal sou menm dosye a. Komite Olenpik Entènasyonal la pran meday yo epi retire non manzèl nan liv rekò òganizasyon entènasyonal la.

George Mitchell yon ansyen palmantè ameriken publiye jodi a rezulta ankèt li men-nen sou atlèt ameriken kap konsome dròg pou bay bon randman nan disiplin yap pratike a. Ankèt la, yon dokuman 300 paj, dure anviwon 21 mwa. Dapre nouvèl yo ant 60 a 80 jwè baseball ansyen tankou nouvo kapab figure nan lis la.

Atletisme

Plizyè boksè Filipen deside pa batay dèyè yon meday dò pou pwoteste sa yo konsidere pozisyon patiza juj nan je Sudès Azyatik yo genyen an favè yon seri de lòt peyi. 2 boksè chwazi pou abandone pandan ouvètu rankont la e 4 lòt pandan dewoulman rankont la. Pwotestasyon an pèmèt Tailand ranpòte tout meday dò nan konpetisyon an lap òganize.

Nan lòt konpetisyon Malezi kale Tailand 61 a 60 pou l ranpòte meday dò nan basketball feminen an. Filipin ranpòte meday dò maskulen an gras ak yon swif 94 a 53 li pase Tailand.

Responsab yo nan federasyon Atletis Amatè Entènasyonal la publiye kalandriye rankont Lig dò pou sezon 2008 la. Dapre kalandriye a atlèt maskulen yo ap patisipe nan 6 konpetisyon pandan ke meda m yo ap patisipe nan 4 konpetisyon pou yon eseye ranpòte prim 1 milyon dola a. Federasyon an di atlèt maskulen yo ap patisipe nan kous 100, 400 ak 1500 mèt-an plis de 400 mèt obstak ak so an longè epi lans javelo. Bò meda m yo yap kouri nan kous 200 a 800 mèt-100 mèt obstak ak so an wotè. Atlèt ki ranpòte la viktwa nan tout disiplin yo ap ranpòte djakpòt la. Nan ka atlèt pa ranpòte tout konpetisyon yo eh byen atlèt ki ranpòte yon total 5 konpetisyon pral pataje 500 mil dola. Konpetisyon pou djakpòt la ap kòmanse nan kous atletis Belen an an 1 Jwen pou l fini nan konpetisyon Brusèl la le 5 Septanb an pasan nan konpetisyon Oslo, Wom, Pari ak Zurik.

Basketball

Indiana Pacers te fè anpil efò avan li kale Chikago Bulls 117 a 102. Detroit Pistons tonbe devan Houston Rockets 80 a 87. Philadelphia 76ers wouze Minnesota Timberwolves 98 a 94 pou ranpòte 4 trièm viktwa afile yo. Toronto Raptors danse sou Dallas Marvericks 92 a 76.

Antrenè Los Anjeles Lakers la Phil Jackson pwolonje yon kontra 2 zan pou l kontinye antrene ekip la. Antant la kapab koute 24 milyon dola.

XS
SM
MD
LG