Accessibility links

Breaking News

Boca Junior Kalifye pou Final Koup du Mond Club yo


Football

Nan Mondyal dè klub-la, klub arjanten Boca Junior kalifye pou final apre viktwa-l 1-0 nan vil Tokyo sou klub tunizyen Etwal Spòtiv de Sahel. Boca Junior fini match ak 10 jwè akoz ekpulsyon Fabian Vargas nan 65e minut de jeu pou yon takle iregulye. Ki donk Vargas ap rate final-la . Arjanten-yo ap tann venkè rankont demi-final ant Milan AC ki soti Itali ak Urawa Reds, yon klub lokal. An palan de Milan AC , Antrenè ekip-la Carlo Ancelotti fè konnen Ronaldo pa an fòm pou l jwe demen .

Antrenè italyen Fabio Capello rive jodi-a ann Angletèr kote li pral rankontre ak dirijan foutbòl anglè e nou konn pouki sa-a ...eventuèlman pou-l vinn pran tèt seleksyon nasyonal anglèz-la . Capello gen avèl pitit gason e ajan-l Pier Fillippo. Kèk responsab nan Federasyon anglèz-la deja fè konnen si Cappello aksepte pòs-la John Terry ap pèdu plas kapitèn-nan.

Liverpool kalifye pou 8 tièm de final lig dè chanpyon Eropeyen an apre li pase Marseille yon swif 4 a 0. Real Madrid kalifye tou apre viktwa 3 a 1 li ranpòte devan Lazio de Wòm nan group C a pandan ke Werder de Brèm tonbe devan Olympyakos 3 a 0. Shalke 04 klalifye gras ak yon viktwa 3 a 1 li ranpöte devan Rosemborg de la Norvèj. Jodi a 4 klub pral dèyè 2 lòt plas pou 8 tièm de final la lè group E,F,G ak H la pral mate balon.

Nan group E a Glasgow Rangers ap rankont Olympik de Lyon. Rangers yo bezwen yon nul pou fini 2 zièm dèyè Barselòn. Nan group G a PSV Eindhoven ak Fernerbahce pral dèyè lòt plas la. Fenerbahce bezwen yon viktwa lè lap akeyi CSKA de Moskou e menm yon defèt kapab ede yo Turk yo ki tap mete PSV Eindovhen nan pozisyon pou l kale Inter de Milan. Si 2 ekip yo fini a egalite Turk yo ap kalifye dapre dènye rezulta match ant 2 klub yo.

Atletisme

Komite olempik entènasyonal-la pran ofisyèlman 5 meday ( 3 lò e 2 bwonz) ke atlèt ameriken Marion Jones te ranpòte nan jeu zolempik Sidney 2000-yo . Responsab-yo poko vle refè distribusyon-an meday sa-yo apre diskalifikasyon ofisyèl sa-a . Komite a retire non Marion Jones nan liv rekò-yo apre li te avwe mwa dènye-a , li te pran dwòg pou-l te ka bay bèl pèfòmans. Nan menm reunyon sa-a ki dewoule nan vil Lauzanne ann Suis , Komite egzekutif la tou entèdi Marion Jones pou-l patisipe nan Jeu Zolempik Peken-yo ki gen pou dewoule ane kap vini la-a...e ceci a nenpòt kèl tit,li pa gen dwa patisipe.

Basketball

Lebron James retounen pou l ede Cleveland Cavaliers ranpòte yon viktwa 118 a 105 devan Indiana Pacers. Toronto Raptors ranpòte yon viktwa ki 100 a 88 devan Atlanta Hawks-yon viktwa ki koute l chè apre T. J. Ford te pran yon chak pandan li tap maske yon panye. Washington Wizards danse sou Minnesota Timberwolves 102 a 88. Chikago Bulls pilon-nen Seattle Super Sonics 123 a 96.

XS
SM
MD
LG