Accessibility links

Tanpèt Twopikal "Olga" ap Pase sou Ayiti Aprè li Fin Lage Gwo Lapli sou Repiblik Dominikèn


Tanpèt twopikal Olga ap pase sou Ayiti apre li fin lage gwo lapli sou Peyi Panyòl. Jiskaprezan poko gen chif sou moun ki ta viktim ni sou dega move tan an ta koze. Jean Robert Philippe pale ak direktè Sant Meteo Nasyonal Ayisyen an, Ronald Semelfort.

Yon lòt kote, nouvo manm Konsèy Elektoral Pwovizwa a KEP) pral prete sèman mèkredi 12 desanm nan. Rotchild Fançois Jr. ban nou detay sou fòmasyon KEP sa a ki pral responsab òganizasyon pwochen eleksyon lejislativ yo. Yon lòt kote, jiri k ap tande pwosè moun ki anba akizasyon deske yo ta mele nan asasina jounalis Brignol Lindor, pral gen pou l pwononse vèdik li anvan lontan. Montigèen Sincère ap swiv dosye sa a depi Tigwav kote li voye yon depèch ban nou sou gwo pwen sa a nan aktyalite a ann Ayiti. Anfen, responsab dwazimen nan Misyon Nasyon Zini Pou Estabilziasyon Ayiti a (MINUSTAH) inogire yon pwogram sou dwamoun nan vil Okay, kote li lanse apèl bay pouvwa egzekitif la ann Ayiti pou l pa mele nan travay Lajistis. Jean Ernst Eliscar te sou plas e l ap pote detay.

Klike sou lyen anlè a pou w koute devlopman nouvèl sa yo.

XS
SM
MD
LG