Accessibility links

Breaking News

Dezièm Faz Chanpyona Nasyonal Ayiti a Kòmanse


Football

Aswè a nan chanpyona nasyonal 2 zièm divizyon ap demare nan Kapayisyen lè Eklèr dè Gonayiv ap rankontre Dinamit de Sen Mak nan kar de final rejyonal ki pral detèmine 2 ekip kap monte an premyè divizyon nan pwochen sezon an kap gen 14 klub olye de 16. Kantite a ap redui a 12 klub an lan 2009 pou satisfè rekòmandasyon FIFA.

Responsab klub football Barselòn anonse yo pa gen plan pou boukante footbalè Brezilyen Ronaldinho pou l jwe nan yon lòt klub. Kòmantè sa a fèt apre plizyè jounal espayòl te publiye atik ki di Ronaldhino tap pare pou l al jwe nan klub angle Chelsea.

Federasyon football Sèb la revoke antrenè Espayòl Javier Clemente apre li pa ede seleksyon an kalifye pou faz final Ero 2008 la.

Antrenè Ukrèn nan Oleg Blokhin demisyone aprè echèk seleksyon an nan faz final Ero 2008 la.

Ostrali nonmen olandè Pim Verbeek kòm nouvo antrenè seleksyon nasyonal peyi a nan kad preparatif yap fè pou eliminatwa koup du mond Football Afrik du Sud 2010 la.

Responsab football zèpòl kare univèsitè yo seleksyone 4 finalis e youn pami yo ap resevwa trofe Heisman nan pou sezon an.

Cyclisme

Siklis Kazakhstan Alexandre Vinokourov resevwa yon suspansyon yon lane pou dopaj donk juskan 2008 dapre desizyon Federasyon Siklis Kazakhstan pran. Vinokourov ak tèt ekip la te oblije abandone kous bisiklèt Tour de Frans la apre li te teste pozitif pandan 13 zièm etap konpetisyon an.

24 trièm edisyon je Azi du Sudès yo demare nan Tailand. Prèske 9 mil atlèt kap patisipe nan konpetisyon an pral dèyè 475 meday an ò nan 40 disiplin. Konpetisyon an ap dure 10 jou.

Olenpik

Komite Olenpik Entènasyonal la non-men konpayi òdinatè Acer nan plas Lenovo pou patwone je yo kap dewoule nan vil Peken. Dapre antant 2 pati yo jwen a pati de 2009 konpayi òdinatè Acer ap founi òdinatè ak lòt ekipman pou je zolenpik dhiver yo an 2010 nan Vancouver Kanada epi je zolenpik Londre yo an. Nouvèl ki pa ofisyèl fè konnen antant la kapab koute anviwon 80 milyon dola. Konpayi Lenovo te anonse nan kòmansman semen nan lap abandone patenaryè a Komite Olenpik entènasyonal la pou l kapab sible lòt mache.

Basketball

Kèk rankont nan NBA a aswè a Minnesota Timberwolves ap vizite Atlanta Hawks. Dallas ap akeyi Denver Nuggets epi Portland ap akeyi Miami Heat.

XS
SM
MD
LG