Accessibility links

Faz Final MLS la ap Kòmanse Jedi a


Football

Chikago Fire kalifye pou dènye plas faz final MLS la gras ak yon viktwa tou mens 1 a 0 yo ranpòte devan Los Anjeles Galaksi ak tout David Beckham. Los Anjeles Galaksi elimine nan faz final la. Semi final konferans de Lès la, kap kòmanse Jedi, D-C United ap vizite Chikago Fire. Match retou a fikse pou 1 Novanm. Samdi 27 Oktòb New England Revolution pral rankontre ak New York Redbulls avan Bulls yo vizite New England le 3 Novanm. 2 venkè yo ap rankontre an final 8 Novanm. Nan konferans de Lwès la Chivas USA pral lakay Kansas City Wizards avan yo rankontre nan match retou a le 3 Novanm lakay Chivas USA. Menm jounen 27 Oktòb la Houston Dynamo pral lakay FC Dallas. 2 belijeran yo ap rankontre 2 Novanm lakay Houston. 2 venkè yo ap rankontre le 10 Novanm. Final la ant venkè 2 konferans yo fikse pou 18 Novanm isit Washington.

Unyon football Eropeyen an redui pou yon match suspansyon 2 match lig dè chanpyon Eropeyen ki tap peze sou do gadyen d- bu brezilyen Dida. Se jodi a Unyon football Eropeyen pran desizyon an. Sa vle di Dida ap rate pwochen rankont Milan AC gen pou jwe kont klub Ukrenyen Shakhtar Donetsk Mèkredi kap vini la . Men lap prezan pou match retou ant 2 ekip yo.

Real Madrid subi premye defèt li nan lig football espayòl la pandan ke Bayern de Munik kontinye ap dodomeya nan Bundersliga a. Lyon ak Arsenal kontinye ap domine lig football angle ak franse a. Real Madrid tonbe fas anba devan Espayòl 2 a 1 gras ak 2 gòl Raul Tamudo ak Albert Riera make. Malgre defèt la Real Madrid toujou nan tèt klasman jeneral la ak 19 pwen pou 8 rankont apre FC Barselòn fè bèk atè 3 a 1 devan Villareal ki klase 2 zièm An 3 zièm pozisyon nou jwen Valencia ki krabinen Real Zaragoza 4 a 0.

An Angletè 7 klub ki nan tèt klasman jeneral la ranpòte la viktwa malgre Manchester United ak Liverpool fini rankont yo ak 9 jwè. Arsenal ranpòte yon viktwa 2 a 0 devan Bolton Wanderers. Arsenal gen 25 pwen pou 9 rankont 2 pwen devan Manchester United e 3 pwen devan Machester City. Manchester United ankese yon gòl devan Aston Villa avan li pilon-nen ekip la 4 a 1.

An Itali Milan AC ap tren-nen 10 pwen dèyé lidè chanpyona a apre defèt 1 a 0 yo subi devan Empoli. Juventuys kale Jè n 1 a 0 pou l klase 2 zièm ak 17 pwen swa 3 pwen dèyè Inter de Milan ki kale Reggina Samdi 1 a 0. AS Wòm klase 4 trièm ak 15 pwen apre match nul 4 a 4 yo fè ak Napoli Samdi. Lazio de Wòm ki gen pou vizite Werder de Brem Mèkredi nan Lig dè chanpyon Eropeyen an, kale Livourne 1 a 0.

An Almay franse Frank Riberi make yon gòl epi fè pas ki make yon lòt gòl pou ede Bayen de Munik remonte yon defisi e kale Bochum 2 a 1. Viktwa a pèmèt klub Munick la chita nan tèt klasman Bundersliga a ak 6 pwen devan Werder de Brem ki ranpòte yon viktwa a domisil devan Hertha de Berlen 3 a 2. An 3 zièm pozisyon nou jwen Hambourgh FV ki toupizi chanpyon an tit la VFB Stuttgart 4 a 1 pou l klase 3 zièm.

An Frans Olenpik de Lyon ogmante avans li ak 2 pwen nan tèt klasman jeneral la chanpyona premyè divizyon franse a apre swif 3 a 1 li pase Monaco. Lyon ki gen pou rankontre ak klub Alman Stuttgart Mèkredi nan lig dè chanpyon Eropeyen an gen 25 pwen pou 11 match. Nancy ki klase 2 zièm, fè match nul 1 a 1 ak Socheaux.

Antrenè seleksyon alman an Joachim Loew pa sanble li gen pwoblèm ak desizyon responsab Arsenal yo pran pou mete gadyen ekip la Jens Lehmans kòm rezèv. Antrenè a bay Lehman juskan Desanm pou l tounen numewo 1 klub Angle a sil vle jwe nan seleksyon an pandan koup Ero 2008 la. CN-58

Tennessee remonte yon defisi pou l kale Houston Teksan 38 a 26 gras ak Rob Bironas ki make 8 kout fran 3 pwen yo chak-yon rekò pandan yon rankont. New England Patriots toujou envenku pandan sezon regulye a apre yo pilon-nen Miami Dolphins 49 a 28. Miami poko pèdu oken rankont. Dallas Cowboys kontinye ap byen men-nen nan lig la apre yo kale Minnesota Vikings 24 a 14. Kansas City Chiefs ranpòte yon viktwa tou mens devan Oakland 12 a 10. Chikago Bears kale Philadelphia Eagles 19 a 16. Washington Redskins te fè anpil efò pou l kale Arizona Cardinals 21 a 19. Aswè a Jacksonvil Jaguars ap akeyi Indianapolis Colts nan kad match football zèpòl kare ki jwe chak Lendi swa.

Tennis

Jwè tenis arjanten David Nalbadian remonte yon defisi pou l suprann numewo 1 tenis mondyal maskulen an Swis Roger Federer ak yon swif 1-6, 6-3, 6-3 e ranpòte tounwa tenis dè mèt Madrid la. Nalbadian te elimine numewo 2 mondyal la espayòl Rafael Nadal, numewo 3 a Sèb Novak Djokovic avan li ranpòte final la. Bèlj Justine Henin fè 2 bouche ak adolesan franse Tatiana Golivin nan final Open Zurik la 6-4, 6-4.

Atletisme

Kourè Kenyan Emmanuel Mutai ranpòte marathon Amsterda m nan an 2 zh-6 minit--29 sekond. Magdaline Chemjor yon lòt Kenyan ranpòte kategori feminen an devan Polonè Dorota Gruca ak Etyopyen Ayelech Worku. Nan vil Peken an Chin Kenyan Nephat Kinyanjui ranpòte maraton ki tap dewoule nan pwochen syèj Je zolenpik Peken 2008 yo. Chinwa Chen Rong ranpòte kategori meda m yo.

XS
SM
MD
LG