Accessibility links

Breaking News

Balon ap Woule sou Planèt la Jodi a


Football

Nan Marakaibo, Venezuela tonbe devan Arjantin 2 a 0 . Butè-yo rele : Gabriel Milito ak Lionel Messi . Nan Santiago o Chili, seleksyon lokal la ap akeyi Perou. Otorite yo mobilize 600 polisye ak 500 ajan sekurite prive pou rankont la nan moman chak ekip yo pral chache make premye gòl nan eliminatwa koup du mond Afrik du Sud 2010 la. Chili te pèdu 2 a 0 devan Arjantin Samdi pandan ke Pewou, ki pa patisipe nan faz final yon koup du mond depi 1982, te fè match nul 0 a 0 ak Paragwe.

Nan lòt rankont pou jodi-a toujou nan zòn amerik du Sud-la : Kolonbi pral nan La Paz kote lap rankontre Bolivi an altitud 3 mil 600 mèt. Bolivyen yo poko finn dijere rakle 5 a 0 yo sot subi devan Urugwe nan Montevideo , epi Urugwe prale nan Asuncion kote li pral rankontre Paragwe. Epi lòt rankont ki atire atansyon fanatik boul-yo se lè Brezil ap akeyi Ekwatè nan stad Marakana nan Rio de Janeiro apre match nul 0 a 0 yo fè Samdi ak Kolonbi.

Fiji tonbe 2 a 0 devan Nouvèl Zeland nan kad match kalifikatif koup du mond zòn Oseyani an. Anpil gwo afich apre mi-di-a : Almay ki deja kalifye ap jwe kont Republik Tchèk ki pral dèyè yon kalifikasyon. La Frans ap kont Lituani....les bleus pa gen dwa komèt erè. Ekòs Jeorji. Turki kont Lagrès . Bèljik kont Armenie, La Oland kont Sloveni ;

Nan zòn KONKAKAF la 7 peyi nan zòn nan ap patisipe nan yon match amikal. Nan San Jose Kosta Rika seleksyon lokal la ap akeyi Ayiti--yon duèl ant chanpyon koup UNCAF la ak chanpyon an tit koup Digicel Karayib la. Dènye fwa rezulta ant 2 peyi yo te fini 1 a 1 pandan koup dò KONKAKAF la. Nan San Salvador seleksyon lokal la ap akeyi Trinidad and Tobago nan stad Cuscatlan--yon repetisyon koup dò KONKAKAF LA Salvador te ranpòte 2 a 1.

Nan Los Anjeles, Kalifòni Meksik ap rankontre Gwatemala-yon zòn kote 2 seleksyon yo chaje ak fanatik. Nan Bal an Swis, kote koup dEròp dè Nasyon 2008 yo gen pou dewoule an tandè ak Otrich, Etazuni ap rankontre seleksyon lokal la. Isit Ozetazuni Houston Dinamo kale Real Salt Lake 1 a 0 nan sezon regulye MLS la.

Disi mwens ke 2 semen FIFA gen pou anonse peyi kap akeyi koup du mond football feminen 2011 la. Almay ak Kanada se 2 peyi ki nan konpetisyon an apre Pewou anonse FIFA yè Madi li kraze yon kite sa menm jan ak Ostrali ki te fè anosn-la vandredi dènye . Federasyon Football Kanada ak Almay gen pou dèye prezantasyon yo nan katye jeneral FIFA a an Swis le 29 Oktòb. FIFA ap anonse peyi òganizatè a le 30 Oktòb menm jou òganizasyon football entènasyonal la ap anonse peyi kap akeyi koup du mond maskulen 2014 la. Brezil kandida unik pou òganize konpetisyon an.

Atletisme

Ansyen politisyen Ostralyen John Fahey ki kandida pou pòs prezidan Ajans Anti Dopaj Mondyal la fè konnen ajans la fè gwo pwogrè nan lut kont dopaj ak fair play nan spò. Fahey pran kòm ekzanp ka kourè ameriken Marion Jones ki te ranpòte 5 meday pandan je zolenpik Sidney 2000 yo men te fòse renmèt yo apre li plede koupab pou uzaj steroyid semen pase a. Fahey sanble se sèl kandida ki dèyè pòs prezidan ajans anti dopaj mondyal la apre vis prezidan òganizasyon an franse Jean Francois Lamour fè retrè kandidatu l yè Madi a nan yon konferans nan vil Pari. Milan AC ale an apèl pou redui sanksyon 2 match kap peze sou do gadyen klub la brezilyen Dida. Responsab Milanè yo anonse yo depoze dokuman yo maten an.

Basketball

Orlando Majik ranpòte yon viktwa tou mens 90 a 86 devan Cleveland Cavaliers nan kad yon match chofe jarèt ki jwe nan Shangai an Chin. Orlando Majik gen pou rankontre ak seleksyon basketball tout vedèt chinwa demen Jedi a nan Macau avan yo rankontre Cleveland Samdi.

Tennis

Tout tikè yo vann nan okazyon 61 nièm edisyon final koup DAvis la ant Etazuni ak la Rusi kap dewoule nan Portland Oregon. Nan seri dè mèt Madrid-la , chilyern Fernando Gonzalez ak ajanten Guillermo Canas kalifye pou 3e tou. Tou ATP sa-a ofri 2 milyon 900 mil dola de pri. Tchèk Tomas Berdych , espayòl Feliciano Lopez e Juan Carlos Ferero ki elimine 3 tèt de seri.

Natasyon

Federasyon Entènasyonal Natasyon an anonse 7 vil manifeste entansyon yo pouy akeyi koup du mond 2012 sou kout distans. Mar del Plata, Sidney, Vyèn, Rio de Janeiro, Hong Kong, Durban ak Istanbul. Premye rrankont enfòmasyuona p dewoule nan Lauzann an Swis 30 Novanm. ak 28 Janvye pou vil sa yo renmèt tout dokuman yo. 12 Avril Federasyon an ap anonse vil kap akeyi konpetisyon an.

XS
SM
MD
LG