Accessibility links

Aktivite Koup du Mond Foutbòl  pou Zòn Amerik du Sud


Football

Nan kad eliminatwa pou Mondyal 2010 FIFA zòn Amerik du Sud kèk rankont : demen nan Montevideo, Urugwe ap akeyi Bolivi, Arjantinn ap akeyi Chili nan Bueno Zèr ; Venezuela ap jwe an deplasman nan Kito kont Ekwatè epi nan Lima Pewou ap jwe kont Paragwe . E nan dimanch, ekip kolonbyèn-nan ap akeyi nan vil Bogota seleksyon brezilyèn-nan.

Ostrali deside pou l pa poze kandidatu l pou l akeyi koup du mond meda m yo an 2011 apre yon lèt yo voye bay FIFA ki pa bay rezon desizyon federasyon football Ostralyen an. Retrè Ostrali a louvri pòt la pou Perou, Kanada, ak Almay an konpetisyon pou akeyi koup du mond la. Federasyon Football peyi yo gen pou soumèt dosye yo bay FIFA le 29 Oktòb.

Demen SAmdi a Ayiti ap rankontre Jamayik nan 3 zièm e dènye rankont triyangulè zòn Karayib la. Jamayik kapab kalifye sèlman si l kale Ayiti o mwens 7 gòl diferans. Seleksyon Olenpik Bahamas la mete Ayiti pi pre yon kalifikasyon apre viktwa supriz 1 a 0 yo ranpòte devan Jamayiken yo. Peyi ki ranpòte group la ap kalifye pou zièm tou a.

Match kalifikatif koup du mond FIFA 2010 pou kontinan Azyatik la Turkmenistan kale Kanbòdj 1 0 gras ak yon gòl dènye minit nan kad match ale ki jwe ant 2 seleksyon yo. Match retou a fikse pou 28 Oktòb lakay Turkmenistan. Gen 38 peyi kap patisipe nan premye tou nan rejyon Azyatik la.

Olempik

Komite òganizatè je zolempik dhivè yo anonse yap kòmanse vann tikè yon lane a pati de jodi a. 100 mil sou yon total 1 milyon 600 mil tikè ap koute 26 dola ameriken. Tikè pibon mache pou seremoni douvètu a ap koute 73 dola pou pipiti--chif ki reprezante le doub pri tikè seremoni douvètu Je Zolenpik Peken 2008 yo. Vankouver, peyi òganizatè a, ap ofri 50 mil tikè bay moun ki pa gen mwayen pou achete.

Basketbol

2 jwè basketball ameriken konbine efò pou make 45 pwen pou ede klub basketball Real Madrid 104 a 103 ranpòte yon viktwa devan Toronto Raptors nan kad 3 match amikal ekip la tap jwe an Espay. Yè Jedi a Memphis Grizzlies danse sou klub espayòl Estudiantes 98 a 73.

Tenis

Ameriken Venus Williams kalifye pou semi final tounwa tenis Open Bangkok la apre li fè 2 bouche ak franse Camille Pin 6-1, 6-1. Williams pral rankontre nan semi final la ak Italyen Flavia Penneta ki remonte yon defisi pou l kale Izrayelèn Shahar Peer 3-6, 6-4, 6-2. Lòt jwè ki kalifye pou semi final la se Taiwanè Chan Yun-Jan ki elimine Polonè Urszula Radwanska 6-2, 6-3.

Nan vil Moskou Rus Svetlana Kuznetsova te bezwen 2 manch pou l elimine konpatriòt li Vera Dushevina 6-2, 6-2 pou l rankontre nan semi final la ak ameriken Serena Williams ki elimine Tchèk Nicole Vaidisova an 2 manch 6-4, 6-4. Elena Dementieva, yon lòt Rus rive nan semi final la anba redu apre li kale adolesan Belarus Vitoria Azarenka. Dementieva pral rankontre konpatriòt li Dinara Safina ki elimine konpatriòt li Vera Zvonareva an 3 manch 6-2, 3-6, 6-3.

Kay mesye-yo , nan duel fransè-a Paul Henri Matthieu kouri ak konpatriyòt̀-li Florent Serra ke-l kale an 2 sèt : 6-3, 6-3. Nan demi final lap rankontre ak alman Michael Berrer , le bouro de Cholshreiber.

XS
SM
MD
LG