Accessibility links

Jamayik Kont Bahamas nan Eliminatwa Je Zolenpik yo


Football

Jodi a an Ayiti Jamayik ap rankontre Bahamas nan kad 2 zièm match triyangulè eliminatwa Je Zolenpik Peken 2008 yo.

Unyon Football Eropeyen an ak sendika footballè yo siyen yon antant pou chache rezoud diskusyon sou travay antre yo olye pou yo ale nan tribunal. Prezidan UEFA a Michel Platini fè konnen akò a vle di jwè yo ap rete sou teren an olye nan yon tribunal. Philippe Piat prezidan sendika jwè yo di diskusyon kapab rezoud nan football olye devan yon juj.

Tennis

Ameriken Serena Williams kalifye pou kar de final tounwa tenis an sal Kremlin an kap dewoule nan vil Moskou. Williams kale Ukrenyen Tatiana Perebiynis 7-5, 6-4 pou l al rankontre Tchèk Nicole Vaidisova ki ekate Rus Elena Vesnina 6-3, 6-4. Lòt kalifye pou kar de final yo se Rus Dinara Safina kap rankontre Vera Zvonareva.

Ameriken Venus Williams kalifye pour kar de final tounwa tenis Bankòk la gras ak 2 kout rakèt li pase Danwa Caroline Wozniacki 6-2, 6-2.

Kwat Ivan Ljubicic remonte yon defisi pou l kale ameriken Mardy Fish pou l kalifye nan kar de final tounwa tenis Vyèn nan.. Ljubicic pral rankontre Italyen Andreas Seppi ki elimine Olandè Robin Haase 7-5, 6-3.

Jwè tenis Tchèk Radek Stepanek dakò pou l kontinye reprezante nan peyi nan koup Davis la apre li te ede elimine la Swis nan match repechaj kont la Swis. Tchèk yo gen pou akeyi Bèljik nan premye tou group mondyal la soti 8 pou rive 10 Fevriye.

Basketball

Ray Allen make 28 pwen pou ede Boston Celtics kale Minnesota Timberwolves 91 a 82 nan kad match chofe jarèt ki jwe nan vil Lond. Seri match sa yo se dènye evenman spòtif NBA a ap òganize an Eròp. SAmdi pase Celtics te kale Toronto Raptors 89 a 85 nan vil Wòm.

Cyclisme

Siklis ameriken Floyd Landis ki an disgras pou tèt li te teste pozitif pou uzaj steroyid anonse li prale an apèl devan tribunal abitraj nan vil Lauzann an Swis apre yon komite ameriken kore tès dopaj la ak yon vòt 2 kont 1. Landis, ki te ranpòte kous bisiklèt Tour de Frans la, di li espere tribunal la pral revize dosye dopaj la.

Si Landis pèdu apèl la li pral purje yon pè n 2 zan epi pèdu tit la--premyè fwa nan 105 kan istwa konpetisyon an yon siklis ap pèdu yon tit. Siklis espayòl Oscar Pereiro, ki te fini 2 zièm nan klasman jeneral la, ap pare pou l resevwa mayò jòn nan semen pwochen nan. Unyon Siklis Entènasyonal la rekonèt espayòl la kòm venkè konpetisyon an apre Landis te pèdu aksyon an justis isit Ozetazuni.

XS
SM
MD
LG