Accessibility links

Breaking News

Repiblik Dominikèn Depòte Plis Pase 3 Mil 600 Imigran Ilegal Ayisyen


Chèf nouvo sèvis kontwòl fwontyè dominiken-an anonse fòs li voye tounen plizyè milye sitwayen ayisyen san papye legal depi li tanmen operasyon depòtasyon an. Jeneral Adriano Silverio Rodriguez di medya nan repiblik dominikèn li voye tounen Ayiti 3 mil 600 imigran san papye nan jou ki sòt pase yo. Jeneral la presize yo te mete ayisyen yo abò otobus ki mennen yo Ayiti. Madi pase, Silverio Rodriguez te deklare bay jounal Diario Libre fòs li yo ap aplike yon politik “zero tolerans” vizavi imigran san papye. Responsab la fè konnen nan premye 72 zè apre lansman operasyon an nan rejyon Dajabon ak nan Jimani, twoup li yo te retounen Ayiti 4 mil resòtisan Ayisyen.

Kò ki rele Kò Fwontalye Dominiken an pran kontwòl pawtouy sou fwontyè a nan men lame dominikèn nan depi fen mwa septanm nan.

XS
SM
MD
LG