Accessibility links

Koup du Mond U-17 la ap Demare Week End sa a


Football

Etazuni, Honduras, Haiti ak Trinidad an Tobago ap pare pou reprezante zòn KONKAKAF la nan koup du mond FIFA a kategori kadè kap demare nan Kore du Sud pandan weekend nan. Kosta Rika trouve l nan group A ansanm ak Kore du Sud, Peru ak Togo. Kosta Riken yo ap antre nan won kont Togo demen SAmdi a avan yo rankontre Kore du Sud le 21 epi Pewou le 24 Out. Onduras, ki nan group C a, ap gen pou rankontre Espay Dimanch avan yo tope kòn yo ak Arjantin le 22 Out epi Siri le 25 Out. Nan group D a nou jwen Ayiti kap rankontre Japon Dimanch avan yo fè fas ak la Frans le 22 Out epi Nijerya le 25 Out. Etazuni trouve l nan group E a e yap gen pou rankontre Tajikistan le 20 Out avan yal fè fas ak Tunizi epi Beljik le 26 Out. Trinidad and Tobago lòt reprezantan Karayib la ap kòmanse nan batay le 20 Out nan group F la Gana van yo fas ak Kolonbi epi Almay le 26 Out.

Trinidadyen Jacques Warner ap prezidan komite òganizasyon koup du mond la kap kòmanse 18 Out pou fini 9 Septanb.

Antrenè seleksyon nasyonal Kolonbi a Jorge Luis Pinto revele 2 jwè seleksyon an pa kapab vwayaje pou vinn jwe match amikal ak Etazuni akoz yo pran refu. Match la dwe jwe nan Denver Kolorado. Gen 4 lòt jwè ki gen pwoblèm tou.

Antrenè Manchester United la Alex Fergusson mande abit yo pou louvri je epi ede pwoteje Christian Ronaldo sou teren an kont blesu.

Antrenè seleksyon Olandè a Marco Van Basten raple nan seleksyon nasyonal la Ruud van Nistelrooy nan okazyon rankont amikal la Oland kont la Swis Mèkredi nan vil Jenèv. Van Basten travay Nistelrooy se make goèl nan Real Madrid donk li espere msye pral fè menm jan parèyman pou Olandè yo. Nisltelrooy ki pa jwe pou seleksyon an depi eliminasyonn nan 8 tièm de final koup du mond football fas a Portugal, deja make 28 gòl pou seleksyon an pou 54 rankont.

Antrenè seleksyon Angle a Steve McClaren non-men vedèt Los Anjeles Galaksi a David Beckham nan fòmasyon ki pral rankontre Almay nan stad Wembley a Mèkredi a.

Je Univèsitè

La Chin kontinye kore pozisyon nan klasman meday je Univèsitè yo kap dewoule nan Tailand. Chinwa yo espere ranmase plis meday nan dènye jounen konpetisyon an demen Samdi a. Kore du Nò kale la Rusi 1 a 0 pou l ranpòte meday dò nan football feminen. Kanada kle Taiwan 5 a 4 pou l ranpòte meday dò nan softball. Ostrali ranpòte meday dò nan basketball feminen apre li woule la Rusi 85 a 65. La Polòy kale Sèbi pou l ranpòte meday dò nan Volebòl feminen.

Tennis

Asosyasyon Tenis Pwofesyonèl la anonse jodi a kòm pati ankèt lap men0nen sou match truke davans ant Rus Nikolay Davidenko ak Martin VAssallo an Polòy li pral mande asistans responsab kous cheval Britanik yo pou l men-nen ankèt la. Antant la pral asosyasyon an aksè nan resous Anketè kous cheval yo utilize pou analize rezulta truke alavans. An plis de operasyon tèt kole a Asosyasyon tenis pwofesyonèl di li pral anplwaye 2 ekspè endepandan pou ede nan ankèt match truke a.

Numewo 1 tenis mondyal feminen an bèlj Justine Hinin kalifye pou kar de final tounwa tenis koup Rogers kap dewoule nan Toronto. Henin pase chinwa Peng Shuai 2 kout rakèt 7-5, 6-2 pou l al rankontre ak Rus Nadia Petrova ki elimine Swis Patty Schnyder 6-4, 6-1. Chinwa Yan Zi kale byen kale Grèk Eleni Dniilidou 6-3, 5-7, 7-6.

Chanpyon sòtan tounwa tenis Cincinnati a ameriken Andy Roddick elimine nan tounwa a apre espayòl David Ferrer kapote l ak 2 kout rakèt 7-6, 6-4.

XS
SM
MD
LG