Accessibility links

Breaking News

Arjantin Ranpòte tounwa Football FIFA U-20 an


Football

Arjantin defann ak suksè pou yon 2 zièm fwa afile tit chanpyona du mond footbal Juniò apre li remonte yon defisi pou l kale Republik Tchèk 2 a 1 nan Kanada. Arjanten yo ranpòte 5 tit nan 7 dènye edisyon chanpyona du mond Football FIFA kategori Juniò( 1979, 1995, 1997,2001, 2005). Ajanten yo patisipe nan 8 semi final ak yon total 12 patisipasyon epi 6 final nan 7 dènye edisyon yo. Chili kale Otrich 1 a 0 pou l fini an 3 zièm pozisyon.

Nan MLS la DC United pèdu 1 a 0 devan New York Red Bulls yè Dimanch la. Samdi nan Los Anjeles --David Beckham ki tap jwe premye rankont li pou LA Galaksi-ekip la pèdu 1 a 0 devan klub Angle Chelsea nan kad yon match amikal.

Federasyon Footbal Camerounè a ap chache yon nouvo antrenè malgre ekip la kalifye pou koup dAfrik dè Nasyon 2008 la.

Kore du Sud ak Arabi Sawoudit kalifye pou semi final tounwa football Azyatik la. Kore du Sud kale Iran sou tir de penalite 4 a 2 pandan ke Arabi Sawoudit kale Uzbekistan 2 a 1. Nan semi final la kap kòmanse Mèkredi Kore du Sud ap rankontre Irak nan Kuala Lumpur epi Arabi Sawoudit ap rankontre Japon nan Hanoi, Vyetnam. Venkè yo ap rankontre an final Dimanch nan Jakarta an Endonezi.

Klub Meksiken Cruz Azul kale klub Arjanten Boca Junior 3 a 1 pou l ranpòte premyè edisyon tounwa Panameriken Football la. An plis de trofe a klub Meksiken an ranpòte 250 mil dola prim ak patisipasyon 6 meyè klub Amerik Latin nan.

Atletisme

Najè Brezilyen Thiago Pereira ki ranpòte 6 meday dò pèdu nan 6 dènye final Je Panameriken yo. Guillermo Rigondeaux ak Erislandy Lara 2 boksè Kuban fonn tankou bè nan moman òganizatè yo tap tann yo pou kar de final boks la. Donk advèsè yo kalifye pou semi final la e otomatikman kapab ranpòte yon meday de bronz.

Espwa Ayiti gen pou l ranpòte yon lòt meday nan Judo al bwa chat apre Judoka ayisyen yo pèdu konba yo men-nen pandan week-end nan. Jamayik danse sou Ayiti 4 a 0.

Kourè Nijeryan Damola Osayemi ranpòte kous 200 mèt feminen ak 100 mèt feminen nan konpetisyon Atletisme Je Afriken yo. Botswana ranpote meday dò nan so an longè epi Ejipt ak Aljeri pataje meday dò nan tenis de tab.

Tennis

Hongwa Agnes Szavay pat rankontre difikilte pou l kale Alman Martina Mueller 6-0, 6- 1 pou l ranpòte tounwa tenis Parleme ki tap dewoule an Sicil.

Bèlj Steve Darcis kale Otrichyen Werner Eschauer 6-1, 7-6 pou l ranpote tounwa tenis Open Olandè a.

Tchèk Radek Stepanek te bezwen 3 manch pou l suprann ameriken James Blake 7-6, 5-7, 6-2 pou l ranpòte tounwa tenis Classic Los Anjeles la.

Rus Anna Chakvetadze ranpòte tounwa tenis Cincinnati a apre li woule ak kout rakèt Japonèz Akiko Morigami 6-1, 6-3.

XS
SM
MD
LG