Accessibility links

Breaking News

Dlo ap Koule nan Je Fanatik Football Brezilyen yo


Football

Meksik suprann chanpyon sòtan Kopa Amerika a, Brezil, ak yon viktwa 2 a 0 nan group B Kopa Amerika kap dewoule O Venezuela gras ak 2 gòl Nery Castillo ak Ramon Morales make depi nan premye mitan an. Nan lòt rankont Chili remonte yon defisi pou l kale Ekwatè 3 a 2. Group la ap retounen sou teren an Dimanch lè Ekwatè ap rankontre Meksik epi Brezil kont Chili.

Jodi a balon ap kontinye woule Paragwe kont Kolonbi epi Etazuni kont Arjantin.

FIFA anonse yon nouvo antant 170 milyon dola ak cart de credit entènasyonal VISA pou patwone koup du mond la juskan 2014. Nan yon deklarasyon prezidan FIFA Sepp Blatter publiye li eksprime satisfaksyon pou 6 patnè FIFA ki dakò pou mache ak òganizasyon football entènasyonal la nan 2 pwochen koup du mond yo an 2010 ak 2014.

An plis de VISA, FIFA gen antant ak fabrikan ekipman spòtif alman Adidas, Koka Kola, Emirat Airlines, Konpayi Motè Vehikil Hyundai ak konpayi elektronik Sony. FIFA estime pandan koup du mond Almay 2006 la te gen yon kouvètu televizyon 73 mil èd-tan ki difuze nan 214 peyi swa yon ogmantasyon 76 pou 100 konpare ak 2002.

An match amikal entènasyonal Malezi kont Jamayik epi Oman kont Republik Demokratik Kore.

Nouvèl ki soti an Espay fè konnen Real Madrid revoke antrenè Italyen Fabio Capello malgre li ede klub la ranpòte chanpyona premyè divizyon an. Sou kontinan Afriken an FIFA anonse vil Sud Afriken Johannesburg ap akeyi match douvètu ak final koup du mond FIFA 2010 la. Stad la ap ogmante soti nan 80 mil fanatik pou l pase a 94, 700. Responsab yo di Sud Afriken yo ap nan group A a lè tiraj osò ap dewoule.

FIFA anonse tiraj osò match kalifikatif pou koup du mond la ap dewoule nan Durban le 25 Novanm olye de 23 Novanm.

Se Samdi kap vini la a nan Kanada chanpyona du mond Juniò a ap demare ak patisipasyon 24 peyi. Panama, Kosta Rika, Etazuni ak Meksik ap reprezante zòn KONKAKAF la.

Nan Montreal Brezil ap rankontre Polòy epi Kore du Sud kont Etazuni. Nan Otawa toujou nan menm jounen 30 Jwen an Kore du Nò kont Panama epi Arjantin kont Republik Tchèk. Final la fikse pou 22 Juyè.

Basketball

Se jodi a nan New York tiraj pou seleksyone nouvo venu nan NBA a ap dewoule ak posibilite pou Greg Oden seleksyone kòm numewo 1. Lòt jwè ki nan draft la se Joakim Noah kap jwe nan Univèsite Florid epi Kevin Durant epi Jeff Green ki te ede Georgetown kalifye pou semi final NCAA a. Sou plan entènasyonal atansyon obsèvatè yo pral santre sou chinwa Yi Jianlian ki kòmanse entegre l nan kultu ameriken an.

Je Zolempik Peken 2008

Gouvènman chinwa a anonse li pral sèvi ak lame, la marin ak fòs ayeryen pou garanti sekurite pandan dewoulman je zolenpik Peken 2008 yo. Otorite yo fè konnen yo pare pou fè fas ak kèlke fòm menas ki ta prezante pandan konpetisyon an kap kòmane 8 Out 2008.

Tennis

Chanpyon sòtan Wimbledon nan Swis Roger Federer ap domine aktualite a nan okazyon 4 jounen konpetisyon an lè lap kontinye rankont fas arjanten Juan Martin del Potro ke la pli te ranvwaye. Federer kale arjanten an 3 manch 6-2, 7-5, 6-1 pou l ranpòte 50 tièm viktwa sou gazon. Rus Marat Safin pat gen pwoblèm pou l kale Pakistanè Aisam-ul-Haq Qureshi 6-4, 6-2, 7-6. Franse Jo-Wilfried Tsonga tronse Ekwatoryen Nicola Lapenti 6-4, 6-2, 6-3. Numewo 2 mondyal Espayòl Rafael Nadal ki kapab rankontre an final ak Roger Federer elimine Werner Eschauer.

Bò kote meda m yo Sèb Ina Ivanovic ak Rus Anna Chakvetadze ak Elena Dementieva yo tout ranpòte la viktwa. Franse Amelie Mauresmo pral fè tout sa li kapab pou l pase nan 3 zièm tou a lè lap rankontre Otrichyen Yvonne Meusburger.

Yon lòt kote Serena ak Venus Williams seleksyone pou reprezante Etazuni nan semi final koup konfederasyon an fas la Rusi 14 ak 15 Juyè

XS
SM
MD
LG