Accessibility links

Breaking News

Etazuni Ranpòte Tit Koup Dò KONKAKAF la


Football

Etazuni remonte yon defisi pou l kale Meksik 2 a 1 epi konsève tit koup dò KONKAKAF la. Etazuni egalize ak Mekisk pou kantite viktwa yo ranpòte swa yon total 4 tit epi Kanada ranpòte lòt la.

Etazuni kale Brezil 2 a 0 Samdi nan kad preparatif ameriken yo ap fè avan koup du mond football feminen an kap kap dewoule nan 5 vil chinwa.

Katar se sèl peyi ki dopoze kandidatu l pou l òganize tounwa football Azyatik la apre Iran rate delè a epi End retire kandidatu l dapre Konfederasyon Football Azyatik la. Iran pa bay rezon li rate delè a ki te fikse pou 19 Jwen.

Atletisme

Ansyen kourè ameriken Marion Jones tèlman razè, la bank sezi yon mezon 2 pwen 5 milyon dola li te posede nan Chapel Hill an Karolin du Nò, manzèl vann mezon manman te posede ak lòt pwopriyete pou l kapab jwen lajan pou l fè fas ak pwoblèm tribunal. Sa gen 7 tan Marion Jones te ranpòte 5 meday dò olenpik epi li te jwen yon seri de kontra plizyè milyon dola. Pami dèt yo lajan pou l peye avoka apre non n te site nan skandal dopaj.

Kourè ameriken Tyson Gay ranpòte kous 200 mèt chanpyon nasyonal atletis ameriken an ki tap dewoule nan Indianapolis. 3 meyè kalifye nan chak disiplin ap reprezante Etazuni nan chanpyona du mond atletis ki gen pou dewoule nan Osaka O Japon soti 25 Out pou rive 2 Septanb.

Detantè rekò du mond 100 mèt Jamayiken Osafa Powell sanble ap soufri ak yon dechiru entèn apre li finn ranpòte konpetisyon an jamayik Samdi devan konpatriòt li Clement Campbell.

Nan kous 100 mèt feminen an Veronica Campbell ranpòte konpetisyon an devan devan Kerron Stewart ak Sherry-Ann Brooks. Danny McFarlane ranpòte kous 400 mèt obstak la epi Melaine Walker ranpòte 400 mèt obstak feminen an.

Tennis

La pli ranvwaye 121 nièm edisyon tounwa tenis Wimbledon nan. Kapitèn meteyo anonse la pli ap tonbe pandan 3 premye jou konpetisyon an. Òganizatè yo ap chache lòt altènativ pou wè fason pou jwe 128 rankont premye tou a.

Swis Roger Federer, ki pral dèyè yon 5 kièm tit afile, pat gen pwoblèm pou l pase nan 2 zièm tou a apre li kale Rus Teimuraz Gabashvili 6-3, 6-2, 6-4. Ameriken Andy Roddick pase premye tou a tou apre li kale konpatriòt li Justin Gimelstob 6-1, 7-5, 7-6. Chilyen Fernando Gonzales woule ameriken Robby Ginepri 3-6, 7-6, 6-2, 6-2. Si Federer ranpòte final la le 8 Juyè lap egalize rekò jwè tenis Swedwa Bjorn Borg te ranpòte soti 1976 pou rive 1980 epi raproche ameriken Pete Sampras ki ranpòte tounwa Wimbledon nan 7 fwa.

Britanik Andy Murray pap patisipe nan tounwa tenis Wimbledon nan akoz blesu.

Chinwa Wang Hao kale konpatriòt li Ma Long an 5 manch pou l ranpòte tit tounwa tenis de tab la epi pèmèt chinwa yo ranpòte 4 meday dò nan tounwa tenis de tab la ki tap dewoule nan Chiba o Japon

Volleyball

Etazuni toujou nan tèt group B a chanpyona du mond Volebòl la apre viktwa yo ranpòte yè Dimanch la devan Japon 25-23, 25-22, 25-22.

Box

Boksè Angle Ricky Hatton kale Meksiken Jose Luis Castillo Samdi nan kategori pwa Welter nan Las Vegas Nevada.

XS
SM
MD
LG