Accessibility links

San Antonio Spurs Ranpòte Chanpyona NBA a


Basketball

San Antonio Spurs ranpòte chanpyona nasyonal basketball ameriken an pou yon 4 trièm fwa nan yon espas de 9-van. Spurs yo kale Cleveland Cavaliers 83 a 82 yè swa nan Cleveland nan okazyon 4 trièm rankont Arjanten Manu Ginobili make 27 pwen epi trape balon 7 fwa. Franse Tony Parker, ki te resevwa trofe pibon pami pibon an, make 24 pwen. Tim Duncan, ki make 12 pwen nan match la di konpayèl li yo pase tout sezon an ap aprann. " Ekip la soti lwen. Nou pase bon ak move moman. Rezulta a se tou senpleman aprantisaj. Ansanm nou tounen yon pibon ekip akoz de situasyon nou travèse. Ranpòte tit la se vrèman yon soulajman. "

Lebron James 24 pwen nan defèt la. Robert Horry kap jwe nan San Antonio ranpòte yon total 7 tit nan karyè l.

Nan lòt nouvèl Juwan Howard ap kite Houston Rockets pou l jwe nan Minnessota Timberwolves nan yon boukantay ki enplike 3 jwè. An retou Houston ap resevwa Mike James ak Justin Reed

Football

11 sou yon total 13 jwè seleksyon kadè ayisyen an ki te fonn tankou bè retounen nan seleksyon an pami 2 ki te tèlman pèdu yo tal chwe nan vil Boston eta Massachussetts gras ak entèvansyon Sèvis Surte Federal Ameriken an. Responsab yo konfime malgre pwoblèm nan Ayiti ap patisipe nan tounwa a. Nouvèl yo depaman gen moun ki di gen pami sovadò yo ki retounen, gen lòt ki di federasyon an te deja konvoke lòt jwè pou ranplase yo gen lòt ki di vwayaj la ap fèt ak delegasyon orijinal la.

Yon lòt kote gen 2 foutbolè kuben ki tap patisipe nan Koup Dò KONKAKAF-la sove tou kite seleksyon kubèn-nan apre defèt 5-0 yo te subi devan Onduras mèkredi ki sot pase la-a. Kontrèman ak ayisyen-yo , tout kuben ki sove kite yon delegasyon kubèn kapab benefisye azil politik avèk yon senp deklarasyon devan otorite imigrasyon-yo ameriken yo.

Demen Samdi a nan kar de final koup dò KONKAKAF la nan Boston Massachussets Kanada kont Gwatemala epi Etazuni ap rankontre Panama epi Dimanch nan Houston Meksik / Kosta Rika epi Honduras kont Gwadeloup.

Sou kontinan Eropeyen an suspens nan chanpyona Espayòl la Week end sa a nan okazyon dènye jounen chanpyona a. Kous la sere / sere ant Real Madrid ak FC Barselòn. Kobe Bryant te otorize pou asiste antrenman FC Barselon yè Jedi a.

Angle David Beckham kapab jwe pou Real Madrid pandan rankont la ki fiske pou dimanch kont Majorca. Sepandan brezilyen Robihno kapab pa jwe malgre FIFA dakò pou l jwe rankont la pou Real Madrid. Otorite Brezilyen anpechen Robinho jwe pou l kapab pa gen pwoblèm pou l jwe nan Kopa Amerika a kap kòmanse 26 Jwen.

Si Real Madrid ranpòte la viktwa lap ranpòte tit chanpyona a kèlke swa rezulta rankont ant Barselòn ak Gimnastic Tarragona ki klase an dènye pozisyon nan klasman jeneral la.

Otorite FIFA yo deklare jodi a mezu yo pran pou entèdi football jwe nan wotè ki depase 2 mil 500 mèt ou byen 8 mil 200 pye toujou an vigè malgre pwotestasyon peyi konsène yo tankou Bolivi, Pewou, Kolonbi ak Ekwatè. Yè Jedi a yon doktè Bolivyen te fè konnen FIFA te dakò pou l leve entèdiksyon an nan yon wotè ki pa depase 3 mil mèt apre yon rankont yo te genyen ak dirijan FIFA yo. Si mezu a ta modifye sa vle di match footbal entènasyonal pap kapab jwe nan La Paz akoz stad la konstrui nan yon wotè 3 mil 600 mèt.

An Itali responsab klub football Milan AC fè konnen yo pap vann brezilyen Kaka ak Real Madrid malgre yo okouran papa footballè te rankontre ak dirijan ekip Madrilè n nan.

Yon ankèt ki men-nen nan Lig football Angle a revele 17 transfè ki fèt nan lig la pami yo Ivwaryen Didier Drogba ak Petr Cech nan Chelsea chaje ak iregularite dirijan yo poko kapab klarifye. Ankèt la ki kòmanse an Mars 2006 konsidere 362 transfè ki fèt ant janvye 2004 pou rive fen Janvye 2006.Gen 5 klub ki site nan ankèt la.

Tennis

Espayòl Raphael Nadal te bezwen mwens ke 3 minut pou fini match la pli te kanpe yè-a kont Max Mirn-yi , jwè peyi Belarus ki pèdu an 2 sèt : 7-6, 6-3. Match-la te kanpe alòske Nadal tap men-nen 5-3 nan 2e sèt-la . Nadal ap rankontre nan kar de final-la ak fransè Nicolas Mahut ki elimine koat Ivan Ljubikich. Kalifikasyon tou pou fransè Arnault Clement.

XS
SM
MD
LG