Accessibility links

Breaking News

Roger Federer ak Justine Henin Konseve Pozisyon yo


Tennis

Bèlj Justine Henin ki sot ranpòte tounwa tenis Roland Garos la toujou klase numewo 1 mondyal nan klasman ki publiye jodi a devan Rus Maria Sharpova ak Sèb Jelena Jankovic, franse Amelie Mauresmo ak Rus Svetlana Kuznetsova.

Swis Roger Federer konsève numewo 1 tenis mondyal maskulen an malgre li pèdu nan final tenis Roland Garos la devan espayòl Rafael Nadal. Rus Nikolay Davydenko, Sèb Novak Djokovic, ameriken Andy Roddick konplete lis 5 jwè tenis mondyal.

Swis Roger Federer pap patisipe nan tounwa tenis Open Gerry Weber la kap dewoule an Almay.

Swis Roger Federer tonbe devan espayòl Rafael Nadal nan final tounwa tenis Roland Garos la 6-3, 4-6, 6-3, 6-4. Nadal tounen premye jwè tenis ki ranpòte konpetisyon an 3 fwa afile depi epòk Swedwa Bjorn Borg te fè l ant 1978 e 1980. Nadal gen yon rekò 21 viktwa 0 defèt nan tounwa tenis Rolad Garos la 2 zièm tounwa Gran Shelem pou ane a. Se sèl tounwa tenis Gran Shelem Federer poko ranpòte nan karyè l. Samdi Belj Justine Henin kale Sèv Ana Ivanovic pou l ranpòte tounwa a pou yon 3 zièm fwa sou yon skò 6-1, 6-2.

Olympic

komite Òganizatè je zolempik Peken 2008 yo ap ankete sou nouvèl ki fè konnen faktori chinwa yo te sèvi ak ti moun pou fabrike machandiz pou je zolenpik--yon aksyon si l verifye vyole lwa sou travay nan peyi a ki entèdi ti moun travay nan faktori

Basketball

San Antonio Spurs ranpòte 2 zièm viktwa l fas ak Cleveland Cavaliers 103 a 92 gras a 30 pwen Tony Parker make epi arjanten Manu Ginobili ajoute 25, Tim Duncan kore viktwa a ak 23 pwen. Lebron James make 25 pwen nan defèt la. 2 ekip yo ap rankontre demen Madi a nan Cleveland Ohio pou yon 3 zièm fwa. Ekip ki ranpòte 4 viktwa ap ranpòte tit chanpyon nasyonal pou sezon an.

Football

Anyen poko klè nan koup dò KONKAKAF la kap dewoule isit Ozetazuni ki li menm kalifye pou kar de final la apre viktwa 2 a 0 yo ranpòte Samdi devan Trinidad and Tobago. Yè Dimanch la Honduras suprann Meksik ak yon viktwa 2 a 1. Match nul 2 a 2 Kuba fè ak Panama kite tout pòt louvri pou Mèkredi lè ekip yo ap jwe dènye rankont yo Panama nan tèt group C a ak 4 pwen men pral jwe yon rankont desizif lè lap rankontre Meksik Mèkredi ki li menm gen 3 pwen. Kuba ki gen 1 pwen bezwen yon viktwa lè lap rankontre Honduras ki klase 2 zièm ak 3 pwen. Match sa a ap jwe nan Houston Tekzas.

Group A kap jwe dènye rankont li jodi a anyen poko deside. Donk match jodi a enpòtan pou peyi ki nan group la. Gwadeloup ki nan tèt group la ak 4 pwen, ap rankontre Kosta Rika ki gen 1 pwen ak 3 pwen Kanada, ki te pèdu devan Gwadeloup, ap rankontre Ayiti ki gen 2 pwen.

Yon kou dèy nan group B a Etazuni ki deja kalifye ap rankontre ak Salvador ki gen 3 pwen. Trinidad and Tobago ki gen 0 pwen ap rankontre Gwatemala ki gen 3 pwen.

Pwopriyetè klub football espayòl Real Madrid Ramon Calderon anonse li ta renmen angle David Beckham pou kontinye jwe nan klub la olye pou l transfere nan klub Ameriken Los Anjeles Galaksi. Calderon ap chache konvenk Beckham pou l sèvi ak yon klos ki gen nan kontra ak klub ameriken an pou l kontinye jwe nan Real Madrid. Alexi Lalas yon dirijan klub Los Anjeles Galaksi a di pa gen oken pòt de sòti nan kontra a.

Nan MLS D.C United pilon-nen New York Red Bulls ak yon viktwa 4 a 2 nan kad rankont ki jwe yè Dimanch nan MLS la.

Volleyball

Chanpyon volebòl Azyatik la Japon ranpòte premye viktwa la nan chanpyona du mond volebòl maskulen an kap dewoule nan Komaki o Japon. Japon kale Itali 3 set a 2 nan group B a ki gen nan tèt li Etazuni epi la Frans. Tounwa a gen patisipasyon 16 peyi ki divize an 4 group de 4 group. 6 pami yo ap kalifye pou round final la kap jwe an Polòy soti 11 pou rive 15 Juyè

XS
SM
MD
LG