Accessibility links

Prezidan Bush Rankontre Prezidan Putin Nan Somè G-8 la


Prezidan ameriken an, George Bush, fè yon chita-tande ak tokay ris li Vladimir Putin pandan somè G-8 la, nan peyi Almay. Apre rankont la, msye Bush repete pozisyon Etazini konsènan kreyasyon yon sistèm defans kont misil sou kontinan ewopeyen an, li di Moskou pa gen anyen pou li krenn paske Etazini ak Larisi se pa 2 peyi lènmi.

Prezidan Putin te deja pale pou l di sistèm sa a se yon menas pou sekirite peyi li, e li te pran angajman pou l fikse misil Larisi yo sou divès pozisyon ann Ewòp si Lèzetazini enstale sistèm sa a. Pandan prezidan Bush t'ap pale ak jounalis yo, li fè konnen tou Lèzetazini pral patisipe san pran souf nan efò entènasyonal k'ap fèt pou konbat rechofman planèt Tè a.

Kijan lòt lidè yo kapab akeyi pozisyon prezidan ameriken an nan Somè G-8 la? Pou w koute repons la, fè klik sou ralonj ki anlè foto a pou yon repòtaj Chérubin Dorcil.

XS
SM
MD
LG