Accessibility links

Breaking News

Cavaliers kont Spurs nan Final NBA a


Basketball

Final chanpyona nasyonal basketbal ameriken an dewoule ant Cleveland Cavaliers ak San Antonio Spurs. Cavaliers yo elimine Detroit Pistons Samdi ak yon viktwa 98 a 82 pou yo kalifye pou la premyè fwa nan yon final nasyonal. Seri 7 match final pou tit chanpyon nasyonal la ap demare Jedi nan San Antonio Tekzas.

Tennis

Ansyen chanpyon Roland Garos la espayòl Carlos Moya kalifye pou kar de final tounwa a apre li pase Swedwa Jonas Bjorkman 3 kout rakèt 7-6, 6-2, 7-5 pou l al rankontre espayòl Rafael Nadal ki elimine Ostralyen Lleyton Hewitt 6-3, 6-1, 7-6 pou yon plas nan semi final la. Sèb Novak Djokovic kalifye tou apre li elimine espayòl Fernando Verdasco 6-3, 6-3, 7-6.

Numewo 1 tenis mondyal maskulen an Swis Roger Federer egalize rekò viktwa nan yon tounwa tenis Gran Shelem nan tan modèrn yo. Federer kale Rus Mikhail Youzhny 7-6, 6-4, 6-4 pou l ranpòte 35 kièm viktwa afile l nan yon tounwa tenis Gran Shelem--sa fè Federer 11 zièm viktwa afile nan yon tounwa Gran Shelem pou l kalifye pou kar de final tounwa tenis Roland Garos la--yon tounwa ki manke nan palmarès Swis la.

Lòt jwè ki kalifye pou kar de final la se Rus Nikolay Davydenko ki elimine arjanten David Nalbandian 6-3, 7-6, 3-6, 7-6. Arjanten Guillermo Canas te bezwen 3 manch pou l debarase l de konpatriòt li Juan Monaco 6-0, 6-4, 6-2.

Bò kote meda m yo ameriken Serena Williams woule Rus Dinara Safina 6-2, 6-3. Bèlj Justine Henin elimine Otrichyen Sybille Bammer 6-2, 6-4.

Olenpics

Komite Òganizatè je zolenpik Lond 2012 yo revele logo ki gen siy lond-ak bag olempik yo kòm senbòl an diferan koulè. Je Paralenpik yo ap sèvi ak menm logo a pou la premyè fwa

Vil Sud Koreyen Pyenongchang resevwa yon bon rapò pami 3 kandida pou òganize je zolenpik dhivè yo an 2014. Rapò a kapab enfluyanse manb komite olenpik la ki endesi nan okazyon asanble jeneral ki gen pou dewoule 4 Juyè nan Gwatemala City kote yo pral selekyone vil òganizatè a. Lòt vil kandida yo se vil Rus Sochi ak Salzburg an Otruch. Rapò a konsidere kesyon tankou enstalasyon spòtif yo, sekurite, finans, struktu dakèy, transpò ak supò gouvènman an ak supò publik la.

Football

Claudio Ranieri nonmen kòm nouvo antrenè Juventus de Turen kap monte nan premyè divizyon apre eskandal magouy te desann yo nan 2 zièm divizyon. Ranieri ap ranplase Didier Deschamps ki kite pòs la mwa pase a. Ranieri demisyone kòm antrenè Parme apre li evite klub la desann nan 2 zièm divizyon. Nouvèl la suprann obsèvatè yo ki te kwè Ranieri ta pral nonmen kòm antrenè klub angle Manchester City ki revoke antrenè a Stuart Pierce 14 Me.

Seleksyon nasyonal ayisyen an ta dwe retounen nan Miami Florid apre viktwa 2 a 1 yo ranpòte devan klub Onduryen Motagua. Rankont sa a se dènye rankont chofe jarèt avan ayisyen yo al patisipe nan koup dò KONKAKAF la kote yap rankontre Gwadeloup Mèkredi nan Miami.

Antrenè seleksyon nasyonal Meksik la Hugo Sanchez konvoke footbalè Meksiken kap evolye sou kontinan Eropeyen an pou vinn pote kole nan seleksyon ki pral patisipe nan Koup dò KONKAKAF la. Rafael Marquez kap jwe nan FC Barselòn figure nan tèt lis seleksyone yo. Meksik ap jwe premye rankont li kont Kuba le 8 Jwen nan New York. Meksik pilon-nen Iran 4 a yo nan kad preparatif pou koup dò KONKAKAF la.

Seleksyon nasyonal Kadè a ki pral patisipe nan koup du mond Kore du Sud la kale Cleveland 2 a 1 yon klub 2 zièm divizyon ameriken. Rankont la te jwe nan Pòtoprens. Etazuni danse sou la Chin 4 a 1 nan kad preparatif 2 seleksyon yo ap fè pou pwochen konpetisyon yo gen pou patisipe.

Antrenè seleksyon Brezil la Dunga mande Ronaldhino pou l amelyore kondisyon fizik li si l vle nan menm nivo ak Kaka. Nan jou ki pase yo Ronaldinho te anba anpil kritik akoz li twò lou.

Football Angle David Beckham fè konnen le fè ke lap vinn jwe Ozetazuni pa anpeche l retounen nan seleksyon Angle a. Deklarasyon sa a fè apre match nul 1 a 1 Brezil fè ak Angletè nan kad inogurasyon stad Wemble a ki renove. John Terry make gòl angletè a apre yon kou fran Beckham te shoute.

An match amikal entènasyonal Peru kale Ekwatè 2 a 1 nan kad yon match preparasyon pou kopa Amerika a ki gen pou dewoule O Venezuela. Kosta Rika woule Chili 2 a 0 nan kad preparatif pou koup dò KONKAKAF la ak Kopa Amerika a

Fanatik spòTogolè yo an dèy apre yon delegasyon 21 manb spò peyi a mouri pami yo minis spò peyi a nan aksidan elikoptè byen ta yè dimanch la. Fanatik yo mouri apre yo te finn asiste viktwa 1 a 0 seleksyon an ranpòte devan Sierra Leone nan kad match kalifikatif Koup dAfrik dè Nasyon an. Minis Spò a Richard Attipoe pami viktim yo. Pilòt elikoptè a, surviv aksidan an apre li te lage kòl atè avan elikoptè kraze.

Ero 2008 Yon fanatik football Danwa ki te move tankou kong atake yn abit alman match nul 3 a 3 Danmak fè avèk la Swèd--sepandan konpòtman fanatik la kapab fè Danmak pèdu pwen an epi la Swèd ranpòte yon vitkwa 3 a 0. Responsab yo football Eropeyen yo ap tann rapò abit la ki te abandone match la apre jwè Danmak yo te anpeche fanatik la ba l kèk kout pwen anba biskèt li.

XS
SM
MD
LG