Accessibility links

Ann Ayiti, Yon Fwar Atizanal, Antwòt, Make Selebrasyon Fèt Travay la


Nan peyi Dayiti, Depatman Travay ak Depatman Agrikilti mete ansanm pou yo òganize yon fwar atizanal pou make Jounen Entènasyonal Travay la. Tradisyonèlman dat sa a se Jou Travay ak Agrikilti ann Ayiti. Jounalis Luckner Royer (Radio Lumière) ban nou kèk detay sou pwogram jounen an.

Yon lòt kote, nan sid peyi a, yon palmantè montre enpasyans li vizavi lantè efò ki dwe fèt pou aplike pwogram apèzman sosyal gouvènman an te pwomèt sa gen anviwon yon lane. Korespondan nou Jean Ernst Eliscar di nou palmantè a fè deklarasyon sa a nan moman peyi a ap selebre Fèt Travay la.

Gad Kòt ameriken di li mennen tounen, lendi 30 avril la, 366 imigran ayisyen yo te bare sou lanmè vandredi ak samdi pase a. Anfen, lendi 30 avril la yon seminè te dewoule nan Washington sou jan sitiyasyon an evolye ann Ayiti depi depa Prezidan ranvèse Jean Bertrand Aristide. Chérubin Dorcil te sou plas.

Klike sou lyen anlè a pou w koute devlopman nouvèl sa yo avèk korespondan/jounalis nou yo.

XS
SM
MD
LG