Anbasadè ameriken an ann Ayiti, Janet Sanderson, siyen ak gouvènman ayisyen an yon akò kote Lèzetazini ofri Ayiti yon èd pou plis pase 6 milyon dola. Seremoni siyati akò a dewoule lendi 16 avril la nan Pòtoprens, e objektif asistans sa a se ede Ayiti peye dèt entènasyonal li.
Yon lòt kote, manm palman ayisyen an ap reyini madi 17 avril la pou yo apwouve akò gouvènman Préval-Alexis a siyen avèk enstitisyuon finansye entènasyonal yo.
Anfen, Premye Minis Jacques Edouard Alexis prezante yon brèf evalyasyon sou reyalizasyon gouvènman n nan aprè 10 mwa sou pouvwa a.
Klike sou lyen anlè a pou w koute devlopman nouvèl sa yo avèk korespondan nou yo nan peyi Dayiti.