Accessibility links

Breaking News

Tiraj Osò Koup Davis la Dewoule nan Vil Lond


Tennis

Kwasi se tèt de seri numewo 1 faz final koup Davis pou ane a. Dapre anonse Federasyon Tenis Entènasyonal la fè Ostrali se tèt de seri numewo 2. Tiraj-o-sò pou mentyen ou monte nan gwoup mondyal 2008 Koup Davis-la dewoule jodia nan vil . Dabò ann di , match-yo ap dewoule soti 21 pou rive 28 septanm. Sèbi-Ostrali ; Otrich Brezil , Pewou-Belarus, Izreal-Chili, Grand-Bretay-Kwasi ; Rep. Tchèk-Suis ; Japon-Woumani, Slovaki-Kore-du Sud. 8 peyi ki ranpòte la viktwa nan faz final group mondyal la ap kalifye pou group mondyal la an 2008 epi 8 pèdan yo pral patisipe nan yon tounwa rejyonal repechaj ane pwochè .

Nap raple Semi final la ap dewoule tou soti 21 pou rive 23 Septab lè la Swèd ap akeyi Etazuni epi Almay ap fè yon kout pye lakay la Rusi. Venkè yo ap rankontre an final pou detèmine chanpyon sezon 2007 la.

Ameriken James Blake kalifye pou 2 zièm tou tounwa tenis an tèt batu kap dewoule nan Houston Tekzas apre li pase Italyen DAvide Sanguinetti 2 kout rakèt 6-3, 6-0.

Ameriken Venus Williams kalifye pou pwochen tounwa tenis Sèk Familyal kap dewoule nan Charleston an Karolin du Sud. Venus kale Ostralyen Samantha Stosur 6-2, 6-2. Malerezman Serena Williams pèdu par abandon fas ak Taiwanè Chan Yung Jan

Football

Jodi nan 2 dènye kar de final retou-yo : Bayerm de Munik ap ayeyi Milan Ac apre match nul 2-2 yo te fè nan match ale-a nan San Siro. Epi nan lòt kar de final-la Liverrpool pati gran favori avèk viktwa 3 -0 li te ranpòte nan match ale-a kont PSV Eindoven Manchester United fè ASWòm pase yon move moman apre li pilon-nen women yo 7 a 1 nan kad retou Lig dè chanpyon Eropeyen an. Cristiano Ronaldo ak Michael Carrick make 2 gòl yo chak nan piyay la. Chelsea kalifye pou semi final la tou apre li elimine klub espayòl Valencia 2 a 1.

Otorite Angle yo akuze ofisyèlman 12 fanatik angle ak 4 Italyen apre lese frape ki te genyen Madi swa--yon jou avan match retou kar de final ant Manchester ak AS Wòm. Brezil ap rankontre ak Angletèr vandredi premye juin nan nouvo Stab Wembley-a . Se 10e fwa 2 ekip sa-yo ap rankontre .

Doktè yo nan Buenos Aieres ekzeyate ansyen footbalè arjanten Diego Maradona apre li finn pase préske 2 semen nan yon lopital. Doktè yo rekòmande Maradona pou l kontinye pran medikaman espesyal ak swiv yon rejim alimantè espesyal akoz lap soufri ak maladi epatik ki gen pou wè ak alkòl.

Basketball

Washington Wizards kalifye pou faz final NBA a malgre defèt 96 a 92 li subi devan New Jersey Nets. Wizards yo kalifye gras ak viktwa Philadelphia 76ers ranpòte devan Indiana Pacers 90 a 86. Indiana Pacers gen 2 plas an retar dèyè Orlando Majik pou dènye plas nan konferans de Lès la. Lòt venkè yo se Charlotte Bobcats, Sakramenti Kiongs Atlanta, New Orleans ak Chikago.

XS
SM
MD
LG