Accessibility links

Breaking News

Apeprè Yon Santèn Boatpeople Ayisyen Debake Sou yon Plaj nan Eta Floride


Omwens 100 ayisyen echwe tou pre plaj Hallendale Beach nan nò vil Miyami (Eta Floride)--yon Eta nan rejyon sud Lèzetazuni. Yon boatpeople pou pi piti ta mouri pandan vwayaj la nan dlo trèt detwa Floride-la. Kèk pami vwayajè yo te naje pou rive sou plaj la tandiske gen lòt ki te lage kò-yo atè lè bato a finalman te rive sou rivaj la.

Yon responsab lapolis di, dapre li, li te pran Ayisyen yo apeprè 3 semèn pou yo fè travèse a.

Gàdkòt ak lòt responsab lokal yo sou plas, kote y'ap bay ayisyen yo swen pou dezidratasyon. Yon pòt pawòl gàdkòt di li pa konnen konbyen moun ki te abò bato a ni si genyen timoun pami pasaje yo. Otorite yo ap fouye rejyon an pou wè si pa genyen lòt boatpeople ki anbiske.

An jeneral, Lèzetazuni voye tounen an'n Ayiti ayisyen ki antre ilegalman nan peyi a. Men gen yon Lwa ameriken ki pèmèt kiben ki debake nan menm kondisyon an rete Ozetazuni. Ane pase, gàdkòt te ranmase sou lanmè plis pase 6 mil moun ki tap chèche antre Ozetazuni-pami yo, 769 ayisyen.

XS
SM
MD
LG