Accessibility links

Faz Ladoudous Divizyon I Univèsitè yo ap Rapousib Aswè a


Basketball

Basketball Univèsitè yo ap kontinye aswè a ak youn pami rankont ki gen anpil suspens lè UCLA ap rankontre ak Pittsburgh--yon match kap mete fas a fas 2 zanmi-antrenè.Venkè rankont sa a ap rankontre venkè lòt rankont ki pral dewoule ant Southern Illinois ak Kansas A and M.

Dallas Mavericks pilon-nen Cleveland Cavaliers 98 a 90 malgre Lebron James make 31 pwen. Mavericks yo okipe klasman jeneral la ak yon palmarès 56 viktwa 11 defèt. Nan lòt rankont San Antonio Spurs danse sou Indiana Pacers 90 a 72. Washington Wizards ranpòte yon viktwa de justès 108 a 106 devan Seattle Supersonics gras a yon dènye pwen Gilbert Arenas make kèk sekond avan fen tan reglemantè a.

Seleksyon Nasyonal Olenpik baskètball ameriken an ap kömanse kanpay kalifikasyon Je zolenpik 2008 fas a Venezuela nan tounwa Amerik yo kap dewoule nan Las Vegas Nevada. Tiraj osò a dewoule yè Mèkredi a. Tounwa a ap dewoule soti 22 Out pou rive 2 Septanb. 2 premye yo ap kalifye pou Je Zolenpik Peken 2008 yo--apre yon semi final ant 4 peyi ki fini an tèt nan premye tou a. Lòt patisipan yo se Brezil, Il Vyèj Ameriken yo.

Veteran basketball ameriken Ron Artest ap fè fas ak 4 chèf dakuzasyon ki lye ak abu domestik pou yon ensidan ak madanm li.

Tennis

Kapitèn koup Davis ameriken an seleksyone Andy Roddick ak James Blake pou rankontre ak Espay nan kar de final tounwa tenis Koup Davis la. Tout 14 mil 453 tikè deja vann pou match la kap dewoule nan Karolin du Nò. Venkè rankont la ap rankontre nan semi final la swa ak la Swèd ou byen Arjantin an Septanb.

Football

Yon jounal Espayòl fè konnen Alman Bernd Schuster kapab ranplase Italyen Fabio Capello kòm nouvo antrenè Real Madrid pandan sezon été a.

Pòtugè Cristiano Ronaldo chache kalme espri yo apre Real Madrid fè konnen li pa ta gen pwoblèm pou l peye plis pase 85 milyon dola pou sèvis li. Cristiano di pou kounye a li poko gen plan kite Manchester United.

Carlo Ancelotti manifeste entansyonn pou l antrene seleksyon Italyen an apre kontra l fini ak Milan AC.

Prezidan Unyon Football Eropeyen an Michel Platini ap lanse pwojè refòm nan tèt òganizasyon football Eropeyen an. Platini vle ogmante kantite manb komite ekzekutif la soti 13 pou l rive 15 nan okazyon reyunyon ekstraòdinè ki fikse pou Lendi. Pwojè refòm nan ap an vigè apre Kongrè a ratifye l nan fen mwa Me a nan vil Zurik. Lòt refòm Platini vle fè nan òganizasyon an se fason seleksyon koup dEròp la an 2012.

XS
SM
MD
LG