Accessibility links

Basketè Steve Nash pap Jwe Rankont Tout Vedèt yo nan Dallas


Basketball

Basketè Kanadyen Steve Nash anonse li pap patisipe nan rankont tout vedèt ki fiske pou Dimanch nan Las Vegas akoz yon pwoblèm nan zèpòl.

.Antrenè Miami Heat la Pat Riley ap retounen nan tèt ekip la imedyatman apre match tout vedèt Dimanch yo apre li sot subi 2 operasyon.

Detroit Pistons pat rankontre oken difikilte pou l kale Los Anjeles Clippers 92 a 74. Nan Denver Carmelo Anthony make 28 pwen nan viktwa 123 a 111 Denver Nuggets ranpòte devan Golden State Warriors. Utah Jazz danse sou Atlanta Hawks 102 a

Football

Stad Wembley a ki fini repare kapab pa louvri a tan pou akeyi final Koup Federasyon Angle a ki fikse pou 19 Me akoz yon pwoblèm ant 2 konpayi.

Atakan camewounè Samuel Eto’o kap jwe nan Baselòn, finalman di sak sou kèl kote li pase men pran antrenè-a Frank Rijkaard ak kòlèg-li Ronaldinyo. Mesye di nan Konferans de près-la ke li pat vle antre nan match-la dimanch kont Racing Santander---se yon deklarasyon movèz fwa. Eto’o ajoute gen 2 gwoup nan Barselòn: gwoup pa prezidan-an ak gwoup yon lòt moun.

Atakan brezilyen Robinyo fè konnen li pa santil byen nan Real akoz antrenè-a Fabio Capello ki pa fè-l ase konfyans. Li presize ke-l te toujou reve rete nan Real. Ti Robinyo te tou pwofite di Ronaldo te vle rete nan ekip-la , men Capello pat vle. Ki donk, Capello fait des malhereux au sein du Real : Ronaldo, Beckham , Antonio Cassano . Direksyon madrilèn-nan di pri Robinyo se 30 milyon euro.... e Milan AC gen lè enterese. Nap suiv.

Responsab UEFA-yo deside finalman pou match 16e de final koup UEFA-a ant Livourne e Espayòl Barselòn dewoule mèkredi ak tout pòt fèmen. Federasyon ak gouvènman an estime Stad Livourne-nan pa reponn ak nòm sekurite-yo . Pou antrenè Daniele Arrigoni , se yon defèt pou foutbòl.

Atakan brezilyen Kaka kap bay boul nan Milan Ac nan Calcio tounen sitwayen italyen depi yè apre midi apre-l te soti nan prefektur vil-la. Konnye mesye gen doub sitwayènte. Kaka di li kontan pou Ronaldo ki vini nan Milan.

Tennis

Tounwa San Jose a demare nan Kalifòni yè Lendi a. Danwa Kristian Pless kale Ukrenyen Sergy Stakhvsky 7-5, 6-1. Ameriken Robert Kendrick tonbe devan alman Simon Greul 6-3, 6-2.

Espayòl Rafael Nadal pap patisipe nan tounwa tenis Open Marseille akoz yon blesu.

Arjanten Gaston Gaudio ak espayòl Carlos Moya elimine nan tounwa tenis Open Brezil la. Moya tonbe devan brezilyen Thiago Alves 2-6, 7-5, 6-3. Gaudio fè bèk a tè devan Italyen Potito Starace 6-4, 6-3.

Olympic Peken 2008

Responsab 2 Kore yo pa rive antann yo jodi a sou posibilite pou yo ta gen yon ekip unifye pou patisipe nan je zolempik Peken 2008 yo. Football

XS
SM
MD
LG