Accessibility links

Breaking News

Indianapolis Colts Ranpòte Tit Superbowl Ameriken an


Football

Indianapolis Colt ranpòte 41 nièm edisyon Super Bowl la, ki se final nasyonal chanpyona football zèpòl kare ameriken an gras ak yon swif 29 a 17 li pase Chikago Bears yè swa nan Miami.

Antrenè Indianapolis Colts Tony Dungy fè konnen ekip la prouve li te kapab jwe defans kont Chikago Bears. "Nou te gen konfyans nan viktwa a ke nou te diskute la vèy match la. Nou te konnen konvèsasyon yo ta pral baze sou defans Chikago Bears ak liy atak la. Nou te santi si n ranfòse defans la epi mize sou ekip espesyal la nou tap ranpòte la viktwa." Deklarasyon antrenè a apre rankont la ki te dewoule anba gwo la pli nan Miami.

Antrenè Chikago Bears la Lovie Smith, ansyen asistan Dungy nan Tampa Bay Buccaneers, rann responsab kantite erè ekip la komèt patikilyèman nan fen rankont ."Li difisil pou ranpòte yon rankont avèk tout erè sa yo. Li te difisil pour sumonte. Nou te fè efò se vre men san oken rezulta." Deklarasyon Lovie Smith.

Tony Dungy tounen premye nwa ameriken ki ranpòte yon tit Superbowl nan istwa football zèpòl kare ameriken an.

Antrenè klub Espayòl Real Madrid Italyen Fabio Capello kontinye refuze fè apèl ak David Beckham nan klub la malgre defèt 1 a 0 yo sot subi devan Levante nan Chanpyona a. Msye Capello di lap kontinye bay Beckham yon bwa long kenbe. Beckham siyen yon kontra pou l vinn jwe nan Los Anjeles Galaksi pandan sezon dété a.

Otorite spòtif Italyen yo lanse avètisman pou fèmen yon seri de stad nan sa yo konsidere relasyon danse kole yon seri de klub genyen ak machann dezagreman. Menas sa a lanse apre lanmò yon polisye nan okazyon yon match football an Katann(Sicil). Polisye a mouri apre batay vyolan ki te genyen pandan rankont Palerme ak Katane. Plizyè milye moun, pami yo Minis Enteryè ak Spò Italyen, patisipe nan funeray la ki dewoule jodi a.

Nan match amikal entènasyonal Kosta Rika woule Trinidad and Tobago 4 a 0 nan kad yon match amikal ki jwe ant 2 seleksyon yo yè Dimanch la nan San Jose.

An Frans responsab seleksyon fransèz la, Raymond Domenech, kap pare pou l jwe yon match amikal chofe jarèt ak Arjantin Mèkredi fè konnen ane 2007 la enpòtan pou seleksyon ki dwe kalifye pou koup dEròp dè Nasyon an 2008.

Antrenè seleksyon Mali a franse Jean Francois Jodar di anbisyonn se pèmèt Egl yo kalifye pou koup du mond la 2010 san li pa bliye koup dAfrik dè Nasyon an 2008. Antrenè a di li konte sou patisipasyon footbalè Malyen kap evolye sou kontinan Eropeyen an. Antrenè a di li prefere jwe match amikal yo a letranje olye de kapital la Bamako yon fason pou pèmèt jwè evolye san presyon publik lokal la.

Basketball

Atlanta Hawks supran New Jersey Nets ak yon viktwa 101 a 99. Detroit Pistons wouze Cleveland Cavaliers 90 a 78. Toronto Raptors danse sou Los Anjeles Clippers 122 a 110

Atletisme

Delegue kap patisipe nan Konvansyon antidopaj nan vil Pari ap revize atik ki genyen nan kod Anti Dopaj la pou l ba l fòs legal. Òganizasyon an ki se yon branch Nasyonzuni, fè konnen yo pral vote kòd la an Novanm apre yo finn revize l pandan yap veye tout peyi ki siyen pwotokòl la respekte règleman yo. Peyi ki pa siyen kòd anti dopaj la, pa dwe òganize oken konpetisyon entènasyonal tankou je zolenpik. Direktè Jeneral UNESCO a Koichiro Matsuura fè konnen pou la premyè fwa nan istwa spò dirijan yo gen yon zouti juridik entènasyonal ke yo kapab utilize nan lut kont anti dopaj la. .

Tennis

Peruvyen Luis Horna kale favori lokal la chilyen Nicolas Massu 7-5, 6-3 pou l ranpòte tounwa tenis Open Movistar la ki tap dewoule nan Vina de Mar O Chili.

Jwè tenis Bèlj Justine Henin anonse li pap patisipe nan rankont la Bèljik gen pou jwe kont Etazuni nan kar de final Koup Konfederasyon an isit Ozetazuni soti 21 ou rive 22 Avril nan Delray Beach an Florid. Kim Klijsters te deja anonse li pap patisipe nan tounwa a.

XS
SM
MD
LG