Accessibility links

Dosye Ronaldo a Finalman Rive nan Bout li


Football

Selon nouvèl ki soti ni nan vil Milan ak ni nan vil Madrid, atakan brezilyen Real Madrid Ronaldo siyen yon kontra 18 mwa avèk Milan AC (30 Juin 2008). Yè te gen yon diskusyon pou yon milyon dola nan zafè frè transfè-a : Milan te ofri 7 milyon euro e Real te mande 8 milyon. Finalman 2 ekip yo jwen yon antant. Kontra a siyen pou 7 milyon 500 mil euro. Selon kontra-a Milan ap prete Real butè brezilyen Ricardo Oliviera. Meyè butè nan tout istwa Koup du mond la, Ronaldo twouve-l depi vandredi nan vil Milan kote li te gen yon rankont ak antrenè-a Carlo Ancelotti e li pase tès fizik-yo. A 30 tan Ronaldo genyen yon palmarès impressionnant et anvyab :

Meyè jwè mondyal 98-la, balon dò euwopeyen 1997 e 2002, meyè jwè FIFA an 3 fwa : 96, 97 e 2002. Sepandan genyen yon ti polemik ki ka anpeche Ronaldo jwenn yon akèy chalereuux nan vil Milan. E nou sonje se la polis ki akonpaye Ronaldo lè-l te gen pou-l te kite Milan alòske li tap jwe nan Inter Ronaldo. Men Ronaldo sot jwen gwo aplodisman nan San Siro lè-l te vinn asiste yon match ant Milan AC kont AS Wom. Arrigo Sacchi panse Ronaldo kapab gen pwoblèm pou entegre-l nan ekip-la. Yon lòt gwo foutbolè siyen yon kontra 18 mwa tou : Edgard Davis, 33 zan ki tap jwe ann Angletè nan Totenham siyen yon kontra ak ansyen klub-li Ajax Amsterdam.

24e jounen Chanpyona foutbòl premyè divizyon ann Angletèr : Liverpool an deplasman laky West Ham. Match ant Arsenal kont Manchester City e Everton kont Totenham , 2 match sa-yo ranvwaye.

Prezidan FIFA a Sepp Blatter deklare devan chèf leta ak gouvènman Afriken se yon obligasyon moral pou koup du mond football 2010 la dewoule sou kontinan Afriken. Msye Blatter ki tap pale nan okazyon somè Unyon Afriken òganize nan Addis Abeba an Etyopi, pwopoze pou football sèvi kòm yon mwayen edukasyon ak inisyativ sosyal e sanitè. Msye Blatter di tou spò dwe sèvi pou lute kont diskriminasyon san li pat bliye lanse apèl pou gouvènman Afriken yo ak komunote entènasyonal la kore devlopman kontinan Afriken an.

Seleksyon football feminen ameriken an ranpòte kwadrangulè ki tap dewoule an Chin apre viktwa 2 a 0 li ranpòte devan seleksyon lokal la. Almay ki fè match nul 0 a 0 ak Angletè fini 3 zièm ak 3 pwen pandan ke Angle yo fini an dènyè pozisyon ak 2 pwen.

Basketball

Kevin Garnett make 44 pwen pou ede Minnesota Timberwolves woule Phoenix Suns 121 a 112 e ki mete fen nan 17 vikwa afile Suns yo sot ranpòte. Atlanta Hawks kale Orlando Majik 93 a 83. New Orleans Hornets pat rankontre difikilte pou l kale Portland Trailblazers 103 a 91. Malgre Allen Iverson make 31 pwen pa anpeche Denver Nuggets tonbe devan Charlotte Bobcats 105 a 101.

Tennis

Nan tounwa tenis Pan Pacifik feminen kap dewoule nan vil Tokyo O Japon Italyen Roberta Vinci surprann Slovak Daniela Hantuchova nan premye tou tounwa a 6-4, 6-4. Ameriken Meghann Shaughnessy te reziste 3 manch avan li tonbe devan Ostralyen Nicole Pratt 6-7, 6-1, 6-4. Sèb Ana Ivanovic te bezwen 2 manch pou l kale ameriken Shenay Perry 6-4, 6-2. Chinwa Li Na elimine ameriken Lilia Osterloh 6-3, 6-2.

Kapitè ekip koup Federasyon Ameriken an Zina Garisson anonse Venus Williams ap reprezante Etazuni fas a Beljik nan kar de final group mondyal kap dewoule nan Delray Beach an Flordi soti 21 pou rive 22 Avril. Madan Garisson fè konnen li ta renmen pou Serena Williams fè pati seleksyon ameriken an.

Alman Florian Mayer woule ak kout rakèt Rus Igor Kunitsyn 6-1, 6-3 nan tou preliminè tounwa tenis Delray Beach an Florid.

Natasyon

Najè chinwa Luo Xuejuan ki ranpòte meday dò nan je zolenpik Atè n 2004 yo anonse retrèt li yè Lendi akoz lap soufri ak maladi kè.

XS
SM
MD
LG