Sekretè-Jeneral Konsèy Elektoral Pwovizwa Ayiti a deklare KEP a fin fè travay li nan kad eleksyon rès lekislativ yo, 3 desanm pase a. Rosemond Pradel fè konnen KEP a pral kontinye pibliye rezilta eleksyon lokal yo. Rotchild François, Jr. gen detay.
Jn-Pierre Leroy di nou otorite ayisyen yo kontinye ap travay sou dosye koripsyon ki ta fèt pandan rejim tranzisyon an. Nan tout deklarasyon ansyen Premye-Minis Gérard Latortue ak lòt responsab nan ekip gouvènmantal 2004-2006 la, yo toujou rejte akizasyon koripsyon an.
Leroy di nou tou dosye konfwontasyon Palman an ak Polis la, konsènan agresyon Enspektè Jean St-Fleur ta fè sou Depite Michelet Casimir, toujou nan aktyalite a.
Si ou vle koute repòtaj sa yo ak lòt ankò, fè klik sou ralonj ki anlè foto a.