Accessibility links

Jamayik Pwomèt Ayiti Plis Kooperasyon


Prezidan René Préval rankontre plizyè dirijan jamayiken nan kad vizit li tanmen yè mèkredi a nan Kingston, kèk jou sèlman apre li te retounen sot’ Kiba pou rezon medikal. Nan yon konferans pou laprès nan rezidans ofisyèl chèf gouvènman jamayiken an, Premye Minis Portia Simpson Miller re-afime angajman La Jamayik pou li ede Ayiti nan divès domèn.

Madam Simpson-Miller di, "ni Prezidan Préval, ni mwen satisfè daprèzavwa nou diskuie yon seri inisyativ konsènan tourism, diaspora ayisyèn nan, edikasyon, staj fòmasyon, agrikilti ak rebwazman, tou sa k'ap bon pou ekonomi ayisyèn nan ak "structures" sosyal peyi a.

Bò kote pa l', lidè ayisyen an ensiste sou wòl Ayiti nan sèk nasyon rejyonal yo e li raple ke anvan lontan CARICOM pral tabli yon biwo pèmanan nan Pòtoprens. Prezidan René Préval, ki akonpaye ak plizyè manm Kabinè minis-li-yo ak lòt wo- fonksyonè ayisyen, ta dwe kite Kingston, samdi.

Fè klik sou ralonj anlè foto a pou w tande repòtaj nou an ak vwa 2 lidè yo.

XS
SM
MD
LG