Accessibility links

Breaking News

Justine Henin-Hardenne pap Patisipe nan Tounwa Tenis Open Ostrali a


Tennis

Numewo 1 tenis mondyal feminen an Bèlj Justine Henin-Hardenne pap patisipe nan tounwa tenis Open Ostrali a pou rezon familyal. Franse Amelie Mauresmo pral tèt de seri numewo 1 tounwa tenis Intènasyonal Sidney a apre Hardenne anonse li pap patisipe nan tounwa sa a tou.

Nan koup Hopman par ekip la La Rusi elimine la Frans gras ak yon swif 3 a 0 pou l pase nan final la. Nan lòt rankont group A a Ostrali kale Etazuni 2 a 1 nan yon rankont ki pa gen oken enterè pou 2 peyi yo. Ekip ki ranpòte final la ap resevwa 250 mil dola.

Ansyen numewo 1 tenis mondyal feminen Swis Martina Hingis kalifye pou semi final tounwa tenis Gold Coast la kap dewoule an Ostrali gras ak 2 kout rakèt li pase Kolonbyen Catalina Castano. Hingis pral rankontre ak Italyen Tathiana Garbin ki elimine rus Elena Vesnina 7-5, 6-2. Rus Dinara Safina kalifye pou semi final la apre li elimine Ostralyen Samantha Stosur 7-6, 6-3. Safinia pral rankontre ak Izrayelyen Shahar Peer ki te bezwen 3 manch avan li elimine Sèv Ana Ivanovic 5-7, 6-4, 6-4. Tounwa sa a ansanm ak plizyè lòt rantre nan kad preparatif kap fèt pou Open Ostrali a ki se premye tounwa tenis Gran Shelem pou ane a kap kòmanse 15 Janvye nan Melbourne.

Basketball

Los Anjeles Clippers woule Miami Heat ak yon viktwa 110 a 95 nan yon rankont kite chaje ak emosyon. Se premye defèt Miami subi apre antrenè Pat Riley pran yon miz an disponibilite endefini pou rezon sante-sa fè Miami 4 trièm defèt afile l li subi. Isit Washington Gilbert Arenas make yon 3 pwen 5 sekond nan tan reglemantè a pou ede Washington Wizards ranpòte yon viktwa de justès devan Milwaukee Bucks 108 a 105. Venkè yè Mèkedi yo se Phoenix Suns, Memphis Grizzlies, Cleveland Cavaliers, Minnesota, Houstona, Utah ak New York Knicks.

Responsab yo nan Lig Basketball feminen ameriken disoud Charlotte Sting apre pèsonn pa vle pran responsabilite pou dirije ekip la. Rezon an se akoz movèz pèfömans ekip la renmèt nan Asosyasyon Basketball feminen an ki gen yon total 14 klub.

Football

Inter de Milan anonse footbalè Pòtugè Luis Figo pap fè yon pa kita yon pa nago malgre pawòl ki ta vle fè konprann msye ta pral jwe nan klub Sawoudyen Al Ittihad. Responsab klub football Espayòl Real Madrid di yap negosye pou pwolonje kontra David Beckham malgre bri ki tap kouri e ki ta vle fè konprann Beckham ta kapab vinn jwe Ozetazuni.

Jounal ABC anonse Real Madrid ta ofri Manchester United plis pase 45 milyon dola pou sèvis Pòtugè Cristiano Ronaldo. Manchester fikse pri transfè a plis pase 75 milyon dola pou Ronaldo ki an fòm tankou bas. Responsab Real Madrid yo poko konfime nouvèl la.

Univèsite Louizyan tronse Notre Dame 41 a 14 pou l ranpòte koup Sugar Bowl la ki tap dewoule nan Nouvèl Orleans.

Boxe

Ansyen chanpyon pwa lou boks Mike Tyson akuze pou posesyon dròg ak kondui machin apre li finn konsome dròg. Otorite la justis yo kapab mete Tyson nan prizon si yo rive prouve li koupab.

XS
SM
MD
LG