Accessibility links

Machester United Kontinye Domine Chanpyona Angle a


Football

Kèk rezulta nan okazyon 22e jounen Chanpyona anglè premyè divizyon-an : Arsenal van-nen Cherlton 4-0; Aston Villa fè 0 0 ak Tchelsi. Manchester United ki te fè match nul 2-2 lendi ak New Castle toujou numewo 1 nan klasman-an.

Yon lòt kote, prezidan federasyon Foutbòl alman-a Theo Zvanziger deklare yè madi-a lap soutni kandidatu Lennart Johansson pou-l rete nan tèt Unyon Ewopeyen Foutbòl-la. Selon yon ankèt, gen anpil lòt gwo peyi kap kore kandidatu Johannson kont Michel Plantini ..kèk ladan-yo se Espay, Angletèr e menm Itali. Sepandan Platini gen plis supòtè nan zòn ewòp de lès

Basketball

Philadelphia 76ers woule Denver Nuggets 108 a 97-nan premye rankont 2 ekip yo depi Allen Iverson te kite Philadephia 76ers pou l al jwe nan Denver. Lebron James make 19 pwen nan viktwa 82 a 78 Cleveland Cavaliers ranpòte devan San Antonio Spurs. Orlando Majik, Golden State Warriors, Chikago Bulls, Dallas Marvericks ak Sakramento Kings yo tout ranpòte la viktwa jwe yè swa.

Tennis

Nan tounwa tenis Okland-la , Marion Bartoli, chanpyon antit-la, (4) tonbe devan Emilie Loit an 2 sèt : 7-5, 6-4; pandasetan Virgini Razzo reusi eksplwa lè-l eleimine numewo 3-a slovak Daniel Hantouchova an 2 sèt : 6-1, 7-5. Nan 2e tou tounwa tenis Doha-a, rus Mikhail Youzny mete deyò ti Gael Monfils an 2 sèt : 6-4, 6-2; Marcos Baghdatis (n°3) bò kote pal elimine Espagnol Ruben Ramirez Hidalgo an 2 sèt : 6-2, 6-0. Kèk lòt kalifye: Olivier Rochus, Max Mirnyi, Robin Sorderling. Rus Nikolay Davydenko kòmanse sezon 2007 la ak yon viktwa an 2 manch li ranpòte devan Sud Koreyen Lee Hyung- Taik 7-5, 6-4. Kwat Ivan Ljubicic pat rankontre difikilte pou l kale alman Denis Gremelmayr 6-1, 6-2. Belarus Max Mirnyi remonte yon defisi pou l kale Swis StanilasWawrinka an 3 sèt : 5-7, 6-4, 6-4. Bèlj Olivier Malisse te bezwen 2 manch pou l debarase l de franse Sebastien Grosjean 6-4, 6-4.

Nan tounwa Madras-la nan peyi End kalifikasyon pou bèlj Xavier Malisse ak espayòl Carlos Moya respektivman tèt de seri numewo e numewo 5.

5e jou tounwa Hopmann ann Ostralie : Republik Tchèk kale Espay 2-1.Espayòl Rafael Nadal kale Alman Rainer Schuettler 6-4, 6-2 pou l pase nan 2 zièm tou tounwa tenis Open Chennai la kap dewoule an End. Franse Fabrice Santoro kalifye apre Tchèk David Skoch abandone rankont la. Arjanten David Nalbadian tonbe devan Danwa Kristian Pless 2-6, 6-3, 7-5.

XS
SM
MD
LG