Accessibility links

Selebrasyon Jou Endepandans Ayiti Anba Pwotestasyon


Aktyalite a nan peyi d Ayiti pou maten 2 janvye 2007 la, toudabò se selebrasyon jou endepandans peyi a ayè lendi 1e janvye a. Prezidan René Préval te prezan nan Gonayiv pou yon diskou sikonstans, men li pat rive fin pwononse diskou a. Pèp souvren tap manifeste, kit se pou, kit se kont pouvwa Lespwa-Lavalas la. Korespondan nou Alfred Jean ap di nou plis.

Nan Plato Santral la, omwen 10 moun soti blese nan yon aksidan machin. Jn-Christophe Collègue gen detay nouvèl sa a depi vil Mibalè.

Minis afè etranjè J. R. Clérismé te vizite vil Okay difon pandan fen semèn nan, kote li lanse yon apèl pou lapè retounen ann Ayiti, dapre yon korespondans Jn-Hernst Eliscar.

Nan Nasyonzini, nouvo Sekretè-Jeneral òganizasyon mondyal la, Ban Ki-Moon, chwazi jounalis ayisyèn Michèle Montas kòm pòt-pawòl li. Se youn nan premye nominasyon msye Ban fè. Michèle Montas, ki te tanmen karyè li nan Radio Haiti Inter ak jounalis selèb Jean Léopold Dominique, nan ane 70 yo, te responsab seksyon Fransè Radyo Nasyonzini an. Nan ane 2003, li te travay kòm pòt-pawòl Asanble Jeneral L'ONU an.

Pou w ka koute repòtaj nou yo an detay, fè klik sou ralonj ki anlè foto a.

XS
SM
MD
LG