Accessibility links

Breaking News

Etazuni Lanse Kanpay Koup du Mond la


Football

Antrenè pwovizwa seleksyon football ameriken an Bob Bradley seleksyone 29 jwè ki pral patisipe nan kan dantrenman avan match amikal Etazuni gen pou jwe kont Danmak 20 Janvye avan yo rankontre ak Meksik 7 Fevriye. 22 jwè pami seleksyon yo jwe 5 match entènasyonal ou byen mwens pou Etazuni. 10 ap patisipe premyè fwa nan yon kan dantrenman ak ameriken yo. Yon sèl pami seleksyone yo ap evolye sou kontinan Eropeyen patikilyèman nan Danmak. D.C United nan tèt lis la ak 6 jwè answit nou jwen New England Revolution ki gen 5 jwè. Landon Donovan jwe 84 match pou ameriken yo kap prepare pou koup dò KONKAKAF la ak Kopa Amerika a ki gen pou dewoule O Venezuela.

Nan kad 16e jounen Liga-a , chanpyona premyè divizyon espayòl-la Real Mayork pran yon suif 3-1 nan men Valans epi Atletiko Bilbao ak Real Saragòs fè match nul 0-0 . Rezulta sa-yo ap enfluanse klasman-an twòp . 16e jounen ap kontinue jodi mèkredi-a ak demen. Jodi-a FC Seviy ap resevwa Deportivo Lakoroy epi demen ap gen yon sèl match, yon chòk: Barselòn kont Atletiko Madrid. An atandan FC Seviy numewo 1 ak menm kantite pwen ak Barselòn ki pat jwe wikenn sa-a akoz final li tap jwe o Japon kont Internasyonal-la , e si-l kale jodi-a lap gen anpil chans pou-l chanpyon otòn-nan , e Real Madrid 3e. Daprè dènye nouvèl-yo gen posibilite pou match ant Real Madrid ak Reacreativo-a pa jwe akoz 4 fanatik Rekreativo ki mouri nan yon aksidan machinn.

An Frans nan okazyon kar de final Koup de Lig-la , Lemans kalifye apre viktwa-l sou Socho 2-1 . Yè Bòdo te jwen kalifikasyon-l nan pwolongasyon sou Saint-Etienne . Skò final 1-0. Epi jodi mèkredi-a Nancy genyen pou-l ranpli yon misyon enposib lè lap rankontre ak Lyon, lidè chanpyona premyè divizyon-an. Si Lyon kalifye jodi-a lap gen privilèj jwe demi final-la lakay-li ak Le mans . Epi Renns ap jwe kont Rènn.

Responsab football zèpòl kare ameriken yo seleksyon jwè ki pral patisipe nan match de gala ant meyè vedèt 2 konferans yo. San Diego Chargers nan tèt lis ak 9 jwè ki seleksyone e kap reprezante konferans ameriken an nan Honolulu an Hawaii 10 Fevriye. Chikago Bears ap gen 7 jwè kap reprezante konferans Nasyonal la

Basketball

Alan Iverson ki pase 10 zan ap jwe nan Philadelphia 76ers transfere nan Denver Nuggets nan kad yon boukantaj jwè ki fèt yè Madi a ant 2 klub basketball yo. An retou Denver pwomèt pou l transfere ansyen vedèt Univèsite Maryland la Joe Smith ak 2 seleksyon nan tiraj oso`2007 la. NBA.COM Te gen 2 rankont nan NBA a yè swa Los Anjeles Lakers tonbe devan Chikago Bulls 94 a 89 pandan Phoenix Suns danse sou Toronto Raptors 115 a 98.

Ciclisme

Chanpyon kous bisiklèt Tour de Frans la ameriken Floy Landis ki anba akuzasyon li ta pran steroyid pou ede l ranpòte konpetisyon an, anonse lap patisipe nan kous bisiklèt 160 kilomèt an montay ki pral dewoule nan Kolorado.

XS
SM
MD
LG