Accessibility links

Klub Ayisyen Aigle Noir Elimine nan Chanpyona Karayib la


Football

Klub ayisyen Egl Nwa elimine nan chanpyona Karayib dè klub chanpyon ak vis chanpyon kap dewoule nan Jamayik apre yo subi 2 defèt. Egl Nwa ap jwe dènye rankont li fas a klub Positive Vibes ki soti nan Il Vyèj Ameriken yo-yon rankont ki pral deside 3 zièm ak 4 trièm plas nan group la. Duèl la pral mete bab pou bab klub Jamayiken Habour View fas ak klub Kurasolè Social Deportivo Barber-Chak klub gen 6 pwen. Venkè rankont la ap kalifye pou pwochen tou a. Yon nul ap favorize klub Jamayiken an. Eliminatwa a ap rapousib Vandredi kap vini la a ak patisipasyon yon lot̀ klub ayisyen Baltimore de Sen Mak. An plis de Baltimore de Sen Mak group la gen ladan klub Jamayiken Waterhouse ak klub Antiguè Undeba.

Prezidan FIFA a Sepp Blatter pwopose pou Lig football Eropeyen yo chanje kalandriye rankont yo pou jwe pandan sezon ete a epi pran yon repo pandan sezon Hivè a. Msye Blatter ki tap reponn kesyon magazin Alman Kicker sugjere pou sezon an ta kòmanse an Fevriye e pou l fini an Novanm pou pèmèt footbalè yo gen plus tan pou repoze epi patisipe nan match kalifikatif koup du mond ak koup Eropeyen yo.

Msye Blatter pwopoze tou pou gen plis group Eropeyen ak mwens seleksyon nasyonal yon fason pou redui kantite match kalifikatif koup du mond. Msye Blatter supòte règleman 6 plus 5 kap mete restriksyon sou kantite etranje ki fè pati klub Eropeyen yo. Msye Blatter mete fen nan entèviou a ak refu l pou enpoze yon plafon salaryal ke klub yo pa ta dwe depase tankou sa ekziste nan Lig football ameriken an.

Philadelphia Eagles remonte yon defisi pou l kale Carolina Phanters 27 a 24 nan kad match football zèpòl kare ki jwe chak Lendi swa.

Basketball

Washington Wizards mete fen nan 12 viktwa afile Dallas Mavericks sot ranpòte gras ak yon swif 106 a 97 Wizards yo ranpòte.Gilbert Arenas make 38 pwen nan viktwa a. Milwaukee Bucks tonbe devan Utah Jazz 101 a 88. New York Knicks te fè anpil efò avan li kale Memphis Grizzlies 98 a 90. San Antonio Spurs danse sou Golden State Warriors 129 a 89. Chikago Bulls kontinye ap byen men-nen gras ak yon viktwa yo ranpòte devan Boston Celtics 100 a 82. Orlando Majik ranpòte yon viktwa de justès devan Sakramento Kings 92 a 89 epi Los Anjeles Lakers woule Indiana Pacers 101 a 87.

Magazin ameriken Sport Illustrated nonmen basketè ameriken Dwyane Wade kòm meyè spòtif maskulen pou ane a. Dwyane kap jwe nan Miami Heat ap resevwa pri a nan yon seremoni ki fikse pou 14 Desanm. Wade ki gen 24 tran se pi jèn atlèt ki resevwa pri a.

Je Azyatik

La chin kontinye ap domine Je Azyatik yo kap dewoule nan Doha Katar apre yo ranpòte 9 nouvo meday dò pandan 3 zièm jounen konpetisyon an. Chinwa yo gen yon total 38 meday dò plis pase mwatye kantite meday ki deja distribye. Japon klase 2 zièm ak 12 meday dò epi Kore du Sud klase 3 zièm.

XS
SM
MD
LG