Accessibility links

Breaking News

Ayiti gen yon Nouvo Antrenè Football


Football

Ansyen antrenè seleksyon nasyonal Martinik la Kuben Luis Armelio Gracia ap pran tèt seleksyon nasyonal Ayiti jodi a dapre deklarasyon prezidan Federasyon Football Ayisyen Yves Jean Bart. Premye misyonn se ede Ayiti patisipe nan triyangulè de baraj koup Karayib la ap patisipasyon Republik Dominikèn ak Bermud. Carlo Marcelin, ansyen antrenè a, se nouvo direktè teknik seleksyon an.

An Eròp FC Barselòn bezwen yon viktwa demen Madi a lè lap rankontre ak klub Alman Werder de Brem nan kad chanpyona Lig dè Chanpyon Eropeyen an. Brem bezwen yon nul nan rankont la kap dewoule nan Camp Nou pou l kalifye ansanm ak Chelsea pou faz dechoukaj la. Arsenal ap jwe yon rankont enpòtan Mèkredi fas a Porto men yon match nul ap regle zafè Angle yo.. Manchester United. Benfica, Shaktar Donetsk, AEK dAtè n, Lille,AS Wòm pa ta dwe gen pwoblèm pou yo kalifye.

Aktyalite nan chanpyona Eropeyen an Barselòn subi yon echèk apre match nul 1 a 1 li fè ak Levante aloske Ronaldo make youn pami 2 gòl Real Madrid make devan Atletiko Bilbao pou ranpòte yon viktwa 2 a 1 nan okazyon 13 zièm jounen Lig football Espayòl la. Barselòn toujou nan tèt klasman jeneral la ak 30 pwen swa 1 pwen devan Real Madrid e 2 pwen devan FC Seville.

An Angletè viktwa 2 a 1 Manchester United ranpòte devan Middlesbrough pèmèt yo ogmante avans yo devan Chelsea ki gen yon match an reta. Arsenal klase 3 zièm gras ak swif 3 a 0 yo pase Tottenham malgre absans Thierry Henry.

An Itali Palerme klase 3 zièm apre match nul 0 a 0 li fè ak Parme nan okazyon 14 zièm jounen chanpyona Seri A Italyen an. An Almay Shalke 04 pèdu tèt klasman jeneral Bundersliga a apre match nul 0 a yo fè ak Nuremberg. Nap rete an Almay sanble Werder de Brem pa ta gen pwoblèm pou l pèmèt Miroslav kite klub la malgre kontra l ap fini an 2008.

Chicago Bears kalifye pou faz final footbal zèpòl kare ameriken an gras ak yon swif 23 a 13 yo pase Minnesota Vikings. Tennessee Titans ralanti tantativ Indianapolis Colt ap fè pou l kalifye pou faz final la gras ak yon viktwa 20 a 17 Titans yo ranpòte. Seattle Seahawks suprann Denver Broncos ak yon viktwa 23 a 20.

Menm situasyon an pou Cleveland Browns ki suprann Kansas City Chiefs ki ranpòte yon viktwa an pwolongasyon 31 a 28. New England Patriots evite yon pwolongasyon apre li make pwen nan fen match pou l kale Detroit Lions 28 a 21. Washington Redskins pèdu 24 a 14 devan Atlanta Falcon malgre yo tap men-nen 14 a 0 nan premye kadè a.. Dallas Cowboys make yon kou fran kèk sekond avan fen match la pou l kale New York Giants 23 a 20 apre Jaksonville Jaguar suprann Miami Dolphins 24 a 10. Aswè a Carolina Panthers pral lakay Philadelphia Eagles.

Basketball

Charlotte Bobcats mete fen nan viktwa Detroit Pistons ak yon viktwa 97 a 89. Los Anjeles Clippers woule Orlando Majik 116 a 91. Atlanta Hawks tronse Portland Trail Blazers 107 a 96 pandan Minnesota Timberwolves te fè anpil efò avan li kale Philadelphia 76ers 95 a 84.

Tennis

La Rusi ranpòte pou yon 2 zièm fwa Koup Davis la apre Marat Safin kale Arjanten Jose Acasuso 6-3, 3-6, 6-3, 7-6 nan yon match desizif aloske 2 ekip yo te a egalite 2 a 2.

Volleyball

Pou yon 2 zièm fwa afile Brezil ranpòte chanpyona du mond Volleyball maskulen an ki tap dewoule O Japon apre yo kale La Polòy 3 a 0. Bulgari remonte yon defisi pou l kale Sèbi e Montenegro 3 a 1 pou l konsole l ak 3 zièm plas la. Itali klase 5 kièm apre li kale la Frans 3 a 0. La Rusi kale Japon 3 a 1 pou l fini 7 tièm. Pandan ke Almay te bezwen 5 manch pou l kale Etazuni e fini an 9 vièm pozisyon.

Je Azyatik

Yon levè d-pwa Chinwa bat 3 rekò du mond pou ede la Chin ranpòte yon total 28 meday dò nan je Azyatik yo kap dewoule nan Doha Katar. Japon klase 2 zièm ak yon total 7 meday dò devan Kore du Sud ki gen 4 meday dò. Cyclisme Tour of Italy Kous bisiklèt 90 zièm edisyon Tour dItali a ap demare soti 12 Me pou l fini 3 Jwen 2007 dapre anons responsab yo fè nan vi Milan Samdi.

Natasyon

Jessica Schipper supran najè Libby Lenton pou l ranpòte kous 100 mèt papiyon feminen an nan okazyon chanpyon nasyonal Ostrali kap dewoule nan Brisbane. Nan kategori maskulen an Brenton Rickard ranpòte meday dò nan kous 100 mèt devan Jim Piper ak Chrstian Sprengler.

XS
SM
MD
LG