Accessibility links

Breaking News

Dezièm Tou Koup Digicel la ap Rapousib


Football

Bermud kont Barbad epi Sen Vensan e Grenadin fas a Bahamas la nan kad dènye match kalifikatif koup Digicel la. Barbad deja kalifye apre yo ranpòte 2 viktwa. Gen yon plas ki disponib swa pou Sen Vensan ak Grenadin ou byen Bermud. Group H la ap antre nan won jodi a nan Jorjtown , Guyan kote Republik Dominikè n ap jwe kont Gwadeloup epi Guyan kont Antigua e Barbuda.

Kanada ak Etazuni kalifye pou final koup dò KONKAKAF la an mè m tan kalifye pou faz final koup du mond football Feminen an ki gen pou dewoule an Chin an 2007. 2 seleksyon yo ap rankontre Dimanch nan Kalifòni pou detèmine chanpyon koup dò KONKAKAF la. Jamayik ap rankontre ak Meksik pou detèmine peyi kap klase 3 zièm e ki pral jwe yon match de baraj kont Japon pou dènye plas koup du mond la.

Pral gen yon duèl nan chanpyona Angle a Dimanch kap vini la a lè Chelsea ap rankontre ak Manchester United. Responsab yo nan Chelsea fikse pou 2014 ane pou klub la tounen numewo 1 mondyal. Chelsea bezwen yon viktwa pou l pataje premye plas ak Manchester United ki gen 34 pwen kont 31 pou Chelsea.

An Itali Inter de Milan pral livre yon gè san mèsi lè pral jwe lakay Palerme ki klase 2 zièm nan seri A a. Inter de Milan gen 30 pwen swa 3 pwen devan Palerme avan 13 zièm jounen chanpyona Italyen an.

An Almay Shalke 04 ki nan tèt Bundersliga a ap jwe kont Bochum nan okazyon 14 zièm jounen chanpyona alman an.

An Espay gwo duèl ant Valans ak Real Madrid Dimanch sa a nan okazyon 12 zièm jounen an chanpyona premyè divizyon an. Aloske FC Barselòn ki nan tèt chanpyona a ap rankontre demen Samdi a Villarreal. FC Seville kont Atletico Bilbao.

Klub football Ekosè Glasgow Rangers kalifye pou 3 zièm tou koup UEFA gras ak yon match nul 2 a 2 li fè ak klub Franse Auxer. Spartak de Prag fè match nul 0 a 0 Ajax Amsterda m. Klub Italyen Palermen subi 2 zièm defèt afile l apre klub Turk Fenerbache krabinen yo ak gòl 3 a 0.. Klub Izrayelyen Maccabi Haifa supran Patizan de Belgrad 1 a 0.

FIFA entèdi Iran pou l pa patisipe nan oken aktivite entènasyonal akoz enjerans gouvènman an nan federasyon football peyi a. FIFA di Iran pa respekte règleman yo sou endepandans federasyon yo epi fason gouvènman an chanje dirijnan yo. Federasyon Iranyen te gen juska 15 Novanm pou l te retounen prezidan elu federasyon an Mohammed Dadgan nan pòs li. Iran kalifye pou faz final koup Azyatik la an 2007. Yo kapab retounen manb federasyon football entènasyonal la apre yo prepare yon nouvo statu epi òganize nouvo eleksyon sou supèvizyon Konfederasyon Football Azyatik la ak FIFA.

Prezidan Federasyon Football Bèlj la, Francois De Keersmaecker, menase pou l revoke antrenè seleksyon an, Rene Vandereycken, si pa gen amelyorasyon. Bèljik klase 5 kièm nan group A eliminatwa Euro 2008 la ak sèlman 7 pwen pou 5 rankont.

Footbalè Kamerounè Samuel Eto’o byen plase pou l resevwa pou yon 4 trièm ane konsekutif pri meyè footbalè afriken pou ane a devan Didier Drogba ak Ganeyen Michael Essien ki te nan menm situasyon an ane pase.

Dallas Cowboys danse sou Tampa Bays Buccaneers 38 a 10 yè Jedi a. Viktwa ki mete Dallas an premyè pozisyon nan divizyon NFC a ak 7 viktwa 4 defèt pandan ke Tampa gen 3 viktwa 8 defèt. Miami Dolphins woule Detroit Lions 27 a 10 epi Kansas City te fè anpil efò avan li kale Denver Broncos 19 a 10.

Atletisme

Jodi a Vandredi a premyè edisyon Je Amitye ant Republik dAyiti ak Republik Dominikèn ap kòmanse nan vilaj fwontalyè Jimani ak Ganthier. Plis pase 500 atlèt, kap soti nan 2 peyi yo, e ki gen laj ant 12 a 17 tan, ap patisipe nan disiplin Judo, Tae Kwondo, Football, mini tenis ak Volebòl. Konpetisyon an ap fini Dimanch 26 Novanm nan. 2 zièm edisyon ap dewoule an 2007 nan vil Dajabon ak Wanament. 3 Edisyon an fikse pou 2008 ant Elias Pinas ak / Beladèr.

Basketball

Kèk rankont nan NBA a apre jwè yo finn selebre fèt daksyon de Gras. New York Knicks pral lakay Boston. Philadelphia 76ers ap akeyi Chikago Bulls. Washington Wizards ap rankontre ak Memphis Grizzlies.San Antonio Spurs ap akeyi Dallas Marvericks.

Ciclisme

Siklis ameriken Taylor Hamilton ki sot purje yon entèdiksyon 2 zan pou steroyid, siyen yon kontra ak ekip siklis Rus Tinkoff Credit Systems.

XS
SM
MD
LG