Accessibility links

Breaking News

Eropeyen yo Domine Klasman Jeneral Tenis Mondyal la


Tennis

Numewo 1 tenis mondyal maskulen an Swis Roger Federer te bezwen 3 manch 6-0, 6-3, 6-4 devan ameriken James Blake e ranpòte tounwa tenis dè mèt Shangai la. Federer mete fen nan ane a ak 29 viktwa afile san bliye yon rekò 92 viktwa ak 5 defèt pou yon total 12 tit nan 17 tounwa. Blake ap fini sezon kòm numewo 4 mondyal.

Nan klasman jeneral la, ki publiye jodi a, Roger Federer kontinye ap domine kòm numewo 1 devan Rafael Nadal, Nikolay Davydenko, James Blake, Ivan Ljubicic, Andy Roddick, Tommy Robredo ak David Nalbadian.

Bò kote meda m yo Bèlj Justine Henine Hardenne se nouvo numewo 1 mondyal devan Rus Maria Sharapova, franse Amelie Mauresmo, Svetlatna Kuznetsova, Kim Clijsters, Elena Dementieva. Ameriken Lindsay Davenport klase 25 kièm.

Football

Nou prale an Espay kote nou aprann Real Madrid siyen yon kontra plis pase 1 milya dola dwa retransmisyon ak yon Mezon Retransmisyon Espayòl kap kapab retransmèt rankont premyè ak 2 zièm divizyon klub la. Kontra a kap kòmanse a pati de sezon sa a ap fini pandan sezon 2012-2013 la.

Chanpyon an tit Lig football Eropeyen an Barselòn trouve l nan yon move pozisyon nan moman lap pare pou l abòde avan dènye jounen chanpyona a nan group la. Barselòn, ki klase 3 zièm nan group la, dwe kale Levski de Sofia Mèkredi si l vle konsève espwa l pou l kalifye pou 8 tièm de final konpetisyon an. An ka de match nul ou byen yon defèt e si Werder de Brèm kale Chelsea an Almay, Barselonè yo ap elimine.

Chelsea, ki deja kalifye pou faz dechoukaj la ansanm ak Bayern de Munik nan group B ak Valans nan group D a. Bayern de Munik ap jwe an deplasman lakay Spartak de Moskou. Inter de Milan kapab kalifye si l kale Sportig de Lisbon. Valans ap akeyi Olenpyakos. AS Ròm kapab kalifye akondisyon li kale Shakhtar Donetsk. Demen Madi a pral gen yon duèl nan group E a lè Real Madrid ak akeyi Lyon. 2 ekip yo deja kalifye pou faz dechoukaj la. Liverpool ak PSV Eindhoven deja kalifye nan group C a. Liverpool ap akeyi PSV pandan ke Bordo ap akeyi Galatasaray Mèkredi.

CSKA de Moskou kapab kalifye si l kale FC Porto.Arsenal ak akeyi Hambourg. Demen Madi Machester United, ki bezwen yon viktwa ou byen yon nul, pral lakay Celtic Glasgow. Milan AC bezwen yon nul pou kalifye lè lap rankontre ak AEK dAtè n demen Madi a. Lille kapab kalifye tou l si l kale Anderlecht.

Yon kout je nan chanpyona Eropeyen yo. An Espay Real Madrid tronse Racing Santander 3 a 1. Barselòn pilon-nen Majorque 4 a 1. Inter de Milan pran tèt chanpyona Italyen an gras ak yon viktwa tou mens li ranpòte devan Reggina 1 a 0 apre Palerme te tonbe 1 a 0 devan Cagliari.

An Angletè pral gen yon duèl semen pwochen nan ant Manchester United ak Chelsea apre viktwa yo ranpòte nan chanpyona a. Chelsea kale West Ham 1 a 0. Manchester United tronse Sheffield 2 a 1. An Almay Shalke 04 pran tèt chanpyona gras ak yon swif 4 a 2 li pase Cottbus nan okazyon 13 zièm jounen Bundersliga a. An Frans Olenpik de Marseille pase yon move kadhè avan li kale Valansyèn 1 a 0.

Footbalè lejandè franse Michel Platini deklare bay jounal alman Kicker li vle yon prezidan Unyon Football Eropeyen kap aktif. Platini, ki kandida dèyè pòs la, di se pwomès li fè bay manb Unyon Football la si l pase nan eleksyon yo. Michel Platini fè konnen lè w vizite syèj FIFA a prezidan Sepp Blatter toujou prezan aloske prezidan UEFA Lennart Johnson pa janm nan biwo òganizasyon an.

Platini fè konnen rezon ki fè li te poze kandidatu l pou pòs la se akoz prezidan sòtan an Lennart Johnson te enfòme l li tap pran retrèt li e li pa tap kandida ankò. Msye li te suprann lè Lennart Johnson te chanje lide apre li te finn anonse kandidatu dèyè pòs pi gwo òganizasyon football Eropeyen an.

Atletisme.

La Chin anonse lap voye yon delegasyon 647 atlèt nan je Azyatik yo kap dewoule nan Doha, Katar mwa pwochen an.. China yo pral chache domine konpetisyon an pou yon 7 tièm fwa afile. Nan je Azyatik yo ki te dewoule nan Busan nan Kore du Sud la Chin te ranpòte 150 meday dò--84 arjan ak74 bronz. La Chin ap patisipe nan 37 disiplin sou yon total 39. Dapre responsab je Azyatik yo se dènye konpetisyon kote la Chin ap deplwaye yon gwo delegasyon avan yo òganize je zolenpik yo an 2008.

XS
SM
MD
LG