Accessibility links

Breaking News

FIFA Jwen yon Antant ak Sendika Footballè yo


Football

Federasyon Football Entènasyonal la (FIFA) siyen yon akò ak sendika jwè yo pou rezoud kesyon ki gen rapò ak rasism, eskandal finansye ak korupsyon. Akò a souliyen nouvo règleman sou dwa footbalè yo ak restriksyon sou transfè . Prezidan FIFA a Sepp Blatter ak prezidan Sendika footballè yo Philippe Piat siyen antant la nan stad Nou Camp la nan Barselòn. FIFA te anba anpil presyon klub yo ki mande konpansasyon pou jwè ki blese pandan yo yap jwe pou seleksyon peyi yo. Tribunal justis Eropeyen an gen pou l pwononse l nan yon dosye ki mete klub Bèlj Charleroyu ak mitan teren Abdelmajid Oulmers ki pase 8 mwa sou ban-d-touch apre li te blese pandan yon rankont li tap jwe pou seleksyon Maròk la an 2004. 14 klub pi rich sou kontinan Eropeyen an ki rele G-14 kore demand Charleroi a e yo supòte yon lòt aksyon klub Franse Lyon antreprann. Règleman aktuèl yo mande pou federasyon football nasyonal yo peye yon asurans pou jwè yo men kèk pami yo pa kapab peye kou asurans la.

Yon lòt kote prezidan sòtan Unyon Football Eropeyen an Lennart Johansson lanse kanpay reeleksyonn jodi a nan vil Lond kote li etale eksperyans konpare ak advèsè l franse Michel Platini. Johansson, ki nan tèt òganizasyon an depi 1990, fè konnen jwe football se youn men gen esperyans sou pwoblèm football nan 52 peyi se yon lòt koze. Msye Johansson di si l ranpòte eleksyon yo se pral dènye manda l nan tèt òganizasyon an. Federasyon football Slovaki a deziye ansyen defansè mJan Kocian kòm nouvo antrenè seleksyon an nan plas Dusan Galis ki demisyone mwa pase a apre defèt 4 a 1 Slovak yo te subi devan Almay nan match kalifikatif koup dEròp dè nasyon an. Premye tès Kocian pral fè l lè Slovaki ap rankontre ak Bulgari le 15 Novanm nan okazyon yon match amikal.

Klub football franse Lyon ansanm ak klub Espayòl Real Madrid kalifye pou faz dechoukaj Lig dè chanpyon Eropeyen an. Lyon ranpòte yon viktwa tou mens 1 a 0 devan Dinamo de Kiev pandan ke Real Madrid te bezwenn memm rezulta a pou l kalifye devan Steaua de Bucharest nan group E a. Lyon rejwenn Real Madrid, Bayern de Munick, Liverpool, PSV Eindhoven, Valancia ki jwen tikè yo faz dechoukaj la malgre manke 2 match. Nan lòt rankont Milan AC woule Anderlecht 4 a 1 Brezilyen Kaka make 3 gòl nan piyay la.. Benfika de Lisbòn tronse Celtic Glasgow 3 a 0. FC Copenhag suprann Manchester United ak yon viktwa 1 a 0 nan group G a. Arsenal fè match nul 0 a 0 ak CSKA de Moskou. FC Porto pat rankontre oken pwoblèm pou l van-nen Hamburg 3 a 1 nan group H la. AEK dAtèn ranpòte yon viktwa tou mens 1 a 0 devan klub franse Lille.

Cyclisme

Pwochen kous bisiklèt Tour de Frans la ap demare nan vil Lond le 7 Juyè pou l fini le 29 Juyè nan vil Pari apre siklis yo finn kouvri yon distans 3, 547 kilomèt. Se premye fwa konpetisyon an ap demare nan vil Lond. Ameriken Floy Landis venk̀ konpetisyon an men ki kapab p̀du tit la akoz li teste pozitif pou testosteròn pat prezan nan moman dirijan yo tap fè anons la jodi a. Landis men-nen kesyon an devan Ajans anti dopaj ameriken ki gen pou pwononse l an Janvye pwochen. Si Landis pèdu aksyon an justis la--trofe a pral jwen siklis espayòl Oscar Perreiro ki te fini kous la an 2 zièm pozisyon.

NBA

Washington Wizards kòmanse sezon NBA a ak yon defèt tou mens li subi devan rival yo nan konferans la Cleveland Cavaliers 97 a 94. New Orleans Hornets kale Boston Celtics 91 a 87. Lòt ekip ki ranpòte la viktwa Milwaukee Bucks ranpòte yon viktwa tou mens devan Detroit Pistons 105 a 97. Orlando Majik pilon-nen Chikago Bulls 109 a 94. Allen Iverson make 32 pwen nan viktwa 88 a 75 Philadelphia 76ers ranpòte evan Atlantta Hawks 88 a 75. New Jersey Nets wouze Toronto Raptors 102 a 92. Indiana Pacers pat rankontre twòp difikilte pou l kale Charlotte Bobcats 106 a 99. New York Knicks te bezwen 3 pwolongasyon pou l ranpòte yon viktwa de justès devan Memphis Grizzlies 118 a 117. Kevin Garnett make 24 pwen epi trape balon an 12 fwa pou ede Minnesota Timberwolves tronse Sakramento Kings 92 a 83. Utah Jazz wouze Houston Rockets 107 a 97. Portland Trailblazers te fè anpil efò avan li kale Seattle Supersonics 110 a 106 menm situasyon an pou Phoenix Suns kale Los Anjeles Clippers 112 a 104 epi Golden State Warriors tonbe devan Los Anjeles Lakers 110 a 98.

Tennis

Tchèk Tomas Berdych ak Rus Nikolay Davydenko kalifye pou kar de final tounwa tenis dè Mè kap dewoule nan vil Pari a an Frans. Berdych te bezwen 2 manch pou l elimine ameriken Robby Ginepri 6-3, 6-3 pou l al rankontre swa ak Slovak Dominik Hrbaty ou byen Britanik Andy Murray. Davydenko bò kote pa l tronse konpatriòt li Dmitry Tursunov 6-2, 6-2 pou al rankontre ak Kwat Mario Ancic ki kale franse Julien Benneteau 6-3, 6-1

Sèb Jelena Jankovic kalifye pou 2 zièm tou tounwa tenis Kebèk la gras ak 2 kout rakèt li pase Venezuelyèn Milagros Sequera 6-1, 6-3. Ameriken Laura Granville tonbe fas anba devan franse Marion Bartoli 6-4, 6-3.

XS
SM
MD
LG