Accessibility links

Breaking News

Yon Jamayiken Kapab Ranpòte Pri Meyè Atlèt pou Ane a


Atletisme

Kourè Jamayiken Asafa Powell, ki se detantè rekò du mond kous 100 mèt kapab non-men atlèt maskulen pou ane a apre li ranpòte prèske tout konpetisyon li patisipe. Msye ranpòte tout 6 konpetisyon Golden Lig Gran pri a ki pèmèt li pataje yon pati nan yon milyon dola pri. Yon lòt atlè Jamayiken Shreone Simpson kapab figure pami 5 meyè atlèt mondyal feminen pou ane a. Seremoni a. Atlèt ameriken dorijin Jamayiken Sanya Richards kapab non-men kòm meyè atlèt feminen pou ane a. Etyopyen Meseret Defar ak Tirunesh Dibaba konplete lis meda m yo. Seremoni ofisyèl la ap dewoule nan yon Gala le 12 Novanm nan Monaco.

Football

Jodi a ap gen 22 match kalifikatif koup dEròp dè Nasyon. Sèvi gen posibilite pou l konsève pozisyonn nan tèt group A a lè lap akeyi Armeni ki nan pwoblèm. Ekòs kap domine group B a pral lakay Ukrè n. Nan Group C a anyen poko deside kote Grès, Turki ak Norvèj nan menm pozisyon. La Grès ap akeyi Bosni-Herzegovin epi Turki kont Moldavi. Republik Tchèk ap chache pran distans li nan group D a lè lap vizite Irland. Angletè, ki pral lakay Kwasi, pataje group E a ansanm ak Izrayèl kap pran yon repo. La Swèd, ki nan tèt group F la, pral lakay Island. La Oland, kap akeyi Albani pral chache pase devan Woumani nan group G a. Nou pap bliye nan Gwoup B-a , La Frans ki ap jwe kont zile Faro-a. Bleu-yo pwomèt pou yo rachte-yo apre defèt-yo devan Ekòs-la.

Toujou nan rubrik match amikal, Arjantinn ap jwe jodi-a kont Espay avèk yon Luis Aragonès ki nan pwoblèmk kote anpil moun ap mande demisyon-l pou move rezulta nan match kalifikatif EURO 2008-yo. Yon defèt Espay ap mete S nan pwoblèm Aragonès ki pèsiste kite Raul an deyò seleksyon-an.

Pawòl ki kontinue ap pale ann Itali se Silvio Belusconi , prezidan Milan Ac ki vle achte meyè foutbolè sou planèt-la Ronaldinyo kap jwe nan FC Barselòn ann Espay . Belescuni ki vinn tou cho tou bouke apre defèt-li nan politik devan Romano Prodi, di li adore brezilyen e li reve wè Gaucho ap jwe ak koulè rouj e nwa Milan AC-a , e Berlusconi pa menm di ane pwochèn, li di mwa kap vinn la-a. Ronnie ap touche aktuellwement la-a 8 milyon Euro par sezon.

Nap rete ann Itali : Nan kad skandal nan Calcio-a, Jouventous de Turin ki desann an 2e divizyon espere yon diminusyon nan sanksyon responsab-yo te pran kont-li nan okazyon odyans kap dewoule jodi mèkredi-a devan Cour arbitrale Comité national olympique-la nan vil Wòm. Jean-Claude Blanc, administratè klub-la espere yon jujman ekitab. Kou abitral Komite Olempik-la ki se dènye nivo nan juridiction sportive en Itali ap egzamine demen mèkredi-a rekour ann apèl Juventus , Milan AC ak Lazio de Rome. Jouventous an 2e divizyon avèk yon penalite 17 pwen.

Brezil pase yon move kadè avan li kale Ekwatè ki te dezòganize 2 a 1 nan okazyon yon match amikal chofe jarèt ki jwe nan Stockholm an Swèd. Rezulta ki pèmèt antrenè Dunga poko pèdu yon match pandan 5 rankont.

Tennis

Espayòl Rafael Nadal te bezwen 2 manch 6-4, 6-2 pou l kale Olandè Raemon Sluiter nan premye tounwa tenis Stockholm nan. Nadal pral rankontre ak Swedwa Joachim Johansson. Kwat Ivan Ljubicic kale anba redu arjanten Agustin Calleri 7-6, 6-2 pou l al rankontre Alman Florian Mayer.

XS
SM
MD
LG