Accessibility links

Breaking News

Gouvènman Ayisyen an Pibliye Dat Ofisyèl Eleksyon yo


Finalman, gouvènman ayisyen pibliye dat ofisyèl rès eleksyon palmantè ak eleksyon lokal yo, yon dat divès sektè t'ap reklame depi kèk tan. Korespondan nou Rotchild François, Jr. di nou dapre sa ki parèt sou jounal ofisyèl Repiblik la [Le Moniteur] vòt la pral fèt 3 desanm 2006 la.

Pandansetan, kesyon ensekirite a toujou ap domine aktyalite a. Twazyèm senatè Latibonit la lanse yon apèl pou li mande yon aksyon rapid otorite konpetan yo, kont bandi ki soti Pòtoprens pou y'al kreye dezòd e komèt krim nan vil pwovens yo. Galilée Périlus, ki korespondan nou nan Sen-Mak, di nou tou lapolis ap chache plizyè machann dezagreman ki antre nan zòn nan nan jou ki sot' pase yo.

Lòt nouvèl Ayiti soti nan Depatman Sid la, kote korespondan nou Jn-Ernst Eliscar fè n' konnen gouvènman an kòmanse pote asistans (lajan) bay moun ki te pèdi byen yo nan Tanpèt Twopikal Ernesto. Sepandan, sanble anpil abitan pa satisfè.

Pou w koute repòtaj sa yo, fè klik sou ralonj ki anlè foto a.

XS
SM
MD
LG