Accessibility links

Breaking News

Roger Federer Ranpòte Tounwa Tenis Ameriken an


Tennis

CN-103 US OPEN TENNIS Meda m Eropeyen yo domine klasman jeneral tenis mondyal feminen an kote 10 premye yo soti sou kontinan an. Bo`kote mesye yo Swis Roger Federer, ki sot ranpòte tounwa tenis US Open nan apre li kale ameriken Andy Roddick tonbe 6-2, 4-6, 7-5, 6-1, se numewo 1 mondyal. Espayòl Rafael Nadal klase numewo 2 epi Andy Roddick se numewo 3.

Federer, ki ranpòte 9 vièm tit Gran Shelem nan karyèl , se premye jwè tenis depi Tchèk Ivan Lendl ki ranpòte US Open nan 3 ane afile. Federer se premye jwè tenis ki ranpòte non sèlman tounwa tenis U S Open nan 3 fwa afile men tou tounwa Wimbledon nan. Federer bezwen 4 viktwa pou l egalize rekò jwè tenis ameriken Pete Sampras te bat

Rus Maria Sharapova danse sou Bèlj Justine Henine Hardenne 6-4, 6-4 pou l ranpòte tounwa tenis US Open nan--2 zièm tounwa tenis Gran Shelem nan karyè l.

Olympic

Responsab kandidatu vil Sud Koreyen Pyeongchang pou je zolenpik divè yo an 2014 fè yon chanjman pou amelyore enstalasyon yo. Plan an rekòmande pou vilaj olenpik la ak lòt enstalasyon yo konstrui nan alantou vil la ak Gangneung. Plan orijinal la te mande pou tout enstalasyon yo konstrui nan alantou 5 vil. Komite OLenpik entènasyonal la ap seleksyone vil kap òganize je zolenpik divè yo an Juyè 2007. Pyeongchang ap fè fa sk vil Rus Sochi ak vil Ostralyen Salzburg.

Football

Minis Spò Polonè a di yo kapab radye responsab federasyon football peyi a si yo pa konbat korupsyon nan spò. Minis spò Polonè a di yn ankèt ki louvri ane pase a pèmèt otorite yo akuze plis 30 moun nan magouy. Skandal la afekte chanpyona premyè ak 2 zièm divizyon peyi a.

Chanpyona football zèpòl kare ameriken ap konplete premye jounenn aswè a lè Washington Redskins ap akeyi Minnesota Vikings nan okazyon 2 rankont ki fikse pou jodi a. San Diego Chargers ap fè yon kout pye lakay Oakland Raiders. Nan rankont ki jwe yè Dimanch la Indianapolis Colt byen debute sezon an ak yon swif 26 a 21 yo pase New York Giants. Arizona Cardinals te gonfle bibit li pou l kale San Francisco 49ers 34 a 27. Dallas Cowboys tonbe devan Jacksonville Jaguars 24 a 17. Chikago Bears woule Green Bay Pakers 26 a 0. Baltimore Ravens pilon-nen Tampa Bay Buccaneers 27 a 0. New Orleans Saints ranpòte yon viktwa tou mens devan Cleveland Browns 19 a 14. Philadelphia Eagles woule Houston Rockets 24 a 10. 9-

Isit Ozetazuni D-C United fè match nul 1 a 1 ak Real Salt Lake. Houston Dinamo ranpòte yon viktwa tou mens devan Los Anjeles Galaksi 2 a 1. Chikago kale Kolonbus Crew 2 a 1. New York Redbulls tonbe 1 a 0 devan New England Revolution. Kansas Citi Wizards wouze Kolorado Rapids 4 a 1 epi F-C Dallas pataje rankont la ak Chivas USA 1 a 1.

Chanpyona football Lig dè chanpyon Eropeyen an ap demare demen Madi ak Mèkredi. Barselòn ki gen sèvis franse Lilian Thuram ak Gianluca Zambrotta, pati kòm favori pou ranpòte trofe a yon 2 zièm ane afile. Klub Angle Chelsea, ki gen sèvis alman Michael Ballack trouve l nan menm group ak Barselòn. Chelsea ap akeyi Werder de Brèm pandan ke Barselòn pral amuze l ak Levski de Sofia nan group A a. Nan group B a Bayern de Munick ap akeyi Spartak de Moskou pandan ke Inter de Milan pral lakay Sporting de Lisbò n.

Nan lòt nouvèl an Arjantin rankont ki tap jwe ant Boca Junior ak Gimnasia nan okazyon 6 zièm jounen chanpyona te sispann nan sa ki sanble menas ki te fèt kont abit la. Sepandan responsab Gimnasia, ki nan sant pwoblèm nan di yo pat fè oken menas sou abit la sèlman yo te mande l montre solidarite an favè antrenè klub la li te ekspulse akoz li tap ekzije abit la yon seri de fot.

Nan Chanpyona premyè divizyon Italyen an Milan A-C ranpòte yon viktwa tou mens devan Lazio de Wòm 2 a 1 --yon chanpyona Milanè yo kòmanse ak mwens de 8 pwen pou enplikasyonn nan eskandal ki sot frape football la an Itali. Inter de Milan kale anba redu Fiorentina 3 a 2. An Espay Real Madrid pilonen Levante 4 a 1 yè Dimanch la nan okazyon 2 zièm jounen chanpyona Espayòl la. Barselòn woule Osasuna 3 a 0.

Cyclisme

Chanpyon du mond motosiklèt Italyen Valentino Rossi kapote konpatriòt li Loris Capirossi poul ranpòte kous motosiklèt Gran Pri Malezi a-5 kièm viktwa l pou sezon an.

XS
SM
MD
LG