Accessibility links

Siklòn Florence Menase Bermude


Bermud ap pare tann siklòn Florence ki ta dwe pase toupre zile a lendi maten bonè. Sant Nasyonal ameriken pou Ouragan yo fè konnen teritwa britanik sa a ta kapab kòmanse santi van ak lapli nan dimansyon yon tanpèt twopikal depi jodi a lè arebò siklòn nan rive.

Florence te pran fòs nan nuit yè pou louvri jodi dimanch la e l'ap vanse nan direksyon nòdwès ak van ki gen fòs 155 kilomèt alè. Kaptenn meteo di Florence ta dwe kontinye pran plis fòs toujou nan moman lap pase sou Bermud. Ayewopò a fèmen,63-mil abitan bermudyen yo kite zòn pi danjere yo, e lapolis fè konnen tout touris te jwenn opòtinite pou yo pati.

Dapre kaptenn meteo ameriken, Florence tèlman gwo nèg, yap santi efè li jis nan Bahamas, zil Vyèj yo, Pòtoriko, Ayiti ak Republik Dominikèn, demèm ke nan kèk vil sou kot ès Lèzetazuni. Florence se sèlman dezyèm siklòn pou sezon an.

XS
SM
MD
LG