Responsab Misyon Nasyonzini pou Stabilizasyon Ayiti a mande gouvènman an fòme yon komisyon dezameman pou yon operasyon k'ap chache zam ilegal, kapab kòmanse. Korespondan nou Jean Pierre Leroy gen kèk reyaksyon.
Yon delegasyon palmantè peyi ki pale franse yo --k'ap vizite peyi d Ayiti-- pwomèt pou yo ede tokay ayisyen yo rezoud difikilte teknik y'ap konfwonte. Yon korespondans Renan Toussaint depi Pòtoprens.
Korespondan nou nan vil Mibalè Jean Christophe Collegue di nou plis pase 20 zòn kòmanse benefisye pwogram apèzman sosyal gouvènman an te anonse a.
Abitan nan Nòdès peyi d Ayiti espere responsab yo pral òganize eleksyon nan fen ane a, pou pèmèt tout depatman reprezante nan Palman an. Yvan Martin Jasmin, korespondan nou nan vil Kap-Ayisyen, ap di nou plis.
Pou w koute repòtaj sa yo, fè klik sou ralonj anlè foto a.