Accessibility links

Breaking News

La Chin Kòmanse Rekrute Volontè pou Je Zolenpik yo


Olympics

La chin ofisyèlman kòmanse kanpay rekrutman pou je Zolenpik Peken 2008 yo. Nouvèl yo site pawòl Prezidan Komite Olenpik Entènasyonal Jacques Rogge ki ta vle fè konprann yon je zolenpik pa kapab reyusi si volontè yo pa byen antrene. Komite òganizatè a di yap rekrute volontè yo nan univèsite kapital la ak lòt vil tankou Hong Kong, Macau ak Taiwan. Volontè yo ap sèvi kòm traduktè pou ede nan aktivite transpò, sekurite, asistans medikal ak kulturèl. Otorite yo di yap rekrute anviwon 70 mil volontè pou je zolenpik yo ak 30 mil lòt pou paralenpik yo.

Tennis

Tounwa tenis US Open ap demare jodi a nan Flushing Meadow kote Ameriken Andre Agassi ap patisipe nan dènye tounwa l avan li pran retrèt li. Agassi ap fè fas ak woumen Andrei Pavel. Nemewo 1 tenis mondyal la Swis Roger Federer ranpòte 2 dènye edisyon yo ak Franse Amelie Mauresmo ap patisipe nan tounwa a. 2 atlèt yo ranpòte 2 tounwa Gran Shelem pou ane a.

Basketball

Rezulta match 8 tièm de final chanpyona mondyal basketball maskulen kap dewoule O Japon montre tout favori yo pase nan kar de final la. Etazuni, Espay, la Frans, Arjantin, Almay, Turki ak Lituani ak la Grès pase kalifye pou kar de final la kap kòmanse demen Madi a. Arjantin kont Turki. Espay kont Lituani. Mèkredi la Frans kont la Grès epi Etazuni kont Almay.

Detroit Shock wouze Connecticut Sun 79 a 55 pou l ranpòte tit konferans de Lès chanpyona nasyonal basketbal feminen ameriken an. Detroit Shock pral rankontre an final ak chanpyon sòtan an Sakramento Monarchs nan seri 5 meyè rankont la kap kòmanse Mèkredi. Sakramento rive nan final la gras ak yon swif 72 a 58 yo pase Los Anjeles Sparks.

Football

Seleksyon football Birmani an remonte yon defisi pou l kale Malezi 2 a 1 pou l kalifye nan final kwadrangulè koup Merdeka a kap dewoule nan Shah Alam. Birmani ap rankontre an final ak Endonezi ki elimine Tailand 1 a 0.

Kristine Lily make 2 gòl nan rakle 4 a 1 Etazuni pase la Chin nan okazyon yon match amikal ki jwe ant 2 ekip yo an deyò vil Chikago.

D-C United subi yon gwo defèt Samdi isit Washington fas ak LosAnjeles Galaksi 5 a 2. Nan lòt rankont New England Revolution ranpòte yon viktwa mens 1 a 0 devan clolombus Crew. Menm skò a pou Kansas City Wizards devan FC Dallas. New York Redbulls danse sou Real Salt Lake 6 a 0-premye viktwa pou antrenè Bruce Arena. Houston Dinamo tonbe devan Chivas USA 3 a 2.

An Espay FC Barselòn pral dèyè yon lòt tit nan chanpyona espayòl la ak prezans Italyen Gianluca Zambrotta, franse Lilian Thuram. Barselòn ap rankontre jodi Lendi a ak Celta Vigo san prezans Ronaldhino kap soufri ak yon blesu nan pye. Nan lòt rankont Real Madrid fè match nul 0 a 0 ak Villareal. Deportivo la Coròy kale anba redu Real Saragosse 3 a 2.

Angle David Beckham ap pwolonje de 2 zan kontra l ak Real Madrid dapre anons prezidan klub la Ramon Calderon fè yè Dimanch la sou televizyon nasyonal Espayòl.

An Itali Juventus de Turen elimine nan 16 zièm de final koup dItali a sou tir de penalite. Napoli ranpòte rankont la sou tir de penalite 5 a 4 apre tan reglemantè a te fini 3 a 3.

An Almay Bayern de Munich pa renmèt anyen nan gad la apre match nul 0 a 0 yo fè ak Nuremberg nan okazyon 3 zièm jounen chanpyona Bundersliga a.

An Angletè Chelsea ranpòte yon viktwa 2 a 0 lakay Blackburn nan okazyon 3 zièm jounen chanpyona premyè divizyon Angle a. Manchester United kontinye ap domine chanpyona a apre yo ranpòte 3 zièm viktwa afile yo. Manchester United kale Watford 2 a 0 pou kenbe tèt chanpyona a ak 9 pwen swa 2 pwen devan Aston Villa.

Volleyball

Chanpyon sòtan Volebòl la Brezil ranpòte yon viktwa an 3 set devan la Chin nan premye tou chanpyon du mond la voleboèl Gran Pri a. La Rusi kale Japon nan Sewoul. Itali supran Kuba ak yon viktwa 3 a 1 nan Taipei. Etazuni kale Republik Dominikèn 3 a 1 nan Macau. Kore du Sud supran la Polòy ak yon viktwa 3 a 2 nan Sewoul pandan ke Tailand pase sou Azerbaijian 3 a 2. 3 zièm tou konpetisyon an ap jwe semen pwochèn nan ak 5 premye yo ak Itali ki pral diskute faz final la soti 6 pou rive 10 Septanb.

Atletisme

Kenyan Thomas Nyariki ak Catherine Ndereba ranpòte semi maraton New York la soti nan Santral Park pou rive anba Manhattan. Ameriken Meb Keflezighi ak Abdi Abdirahman fini 2 zièm ak 3 zièm. Venkè yo resevwa 10 mil dola yo chak. Plis pase 10 mil kourè te patisipe nan kous la ki kouvri 21 kilomèt 1.

Kenyan yo briye tou nan maraton Brussels la kote Stephen Loruo Kamar ranpòte kous la devan konpatriòt li Vincent Kptoo ak bèlj Rik Ceulemans. Kenyan Irene Mogaka ranpòte kategori feminen an. devan franse Magali Reymonenq ak bèlj Ludmilla Afonjuschkina.

Cyclisme

Siklis Alman Jan Ullrich aksepte desizyon ekip T- Mobil pran pou revoke l apre akuzasyon dopaj kap peze sou li avan kous bisiklèt Tour de Frans la. Dapre yon magazin Alman Ullrich, ki nye akuzasyon yo, di li pa prale devan tribunal pou l mande lajan kontra lite siyen ak ekip la. Dapre nouvèl yo Ullrich resevwa 3 milyon 200 mil dola chak ane.

Natation

Najè Ostralyen Libby Lenton ak Leisel Jones bat nouvo rekò du mond nan chanpyona kout distans kap dewoule nan Hobart.

XS
SM
MD
LG